ਨਵੀਂ ਦਿੱਲੀ, 30 ਸਤੰਬਰ
ਸੀਨੀਅਰ ਅਦਾਕਾਰਾ ਆਸ਼ਾ ਪਾਰਿਖ ਨੂੰ ਅੱਜ ਭਾਰਤੀ ਸਿਨੇਮਾ ਦੇ ਸਭ ਵੱਡੇ ਐਜਾਜ਼ ਦਾਦਾ ਸਾਹਿਬ ਫਾਲਕੇ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਪਾਰਿਖ ਨੂੰ ਇਹ ਐਵਾਰਡ ਅੱਜ ਇੱਥੇ ਵਿਗਿਆਨ ਭਵਨ ਵਿੱਚ 68ਵੇਂ ਕੌਮੀ ਫ਼ਿਲਮ ਐਵਾਰਡ ਸਮਾਗਮ ਦੌਰਾਨ ਰਾਸ਼ਟਰਪਤੀ ਦਰੋਪਦੀ ਮੁਰਮੂ ਨੇ ਦਿੱਤਾ। ਰਾਸ਼ਟਰਪਤੀ ਨੇ ਇਸ ਸਨਮਾਨ ਲਈ ਉੱਘੀ ਅਦਾਕਾਰ ਨੂੰ ਵਧਾਈ ਵੀ ਦਿੱਤੀ। ਬੌਲੀਵੁੱਡ ਅਦਾਕਾਰਾ ਨੇ ਕਿਹਾ ਕਿ ਆਪਣੇ 80ਵੇਂ ਜਨਮ ਦਿਨ ਤੋਂ ਇੱਕ ਦਿਨ ਪਹਿਲਾਂ ਇਹ ਵੱਕਾਰੀ ਐਵਾਰਡ ਪ੍ਰਾਪਤ ਕਰਕੇ ਉਹ ਬੇਹੱਦ ਖੁਸ਼ ਹੈ। ਆਸ਼ਾ ਪਾਰਿਖ ਨੇ ਆਖਿਆ, ‘‘ਮੈਨੂੰ ਭਾਰਤ ਸਰਕਾਰ ਵੱਲੋਂ ਮਿਲਿਆ ਇਹ ਸਭ ਤੋਂ ਵਧੀਆ ਸਨਮਾਨ ਹੈ। ਇਸ ਲਈ ਮੈਂ ਜਿਊਰੀ ਦਾ ਧੰਨਵਾਦ ਕਰਦੀ ਹਾਂ।’’ -ਪੀਟੀਆਈ
