ਟ੍ਰਿਬਿਊਨ ਵੈੱਬ ਡੈਸਕ
ਚੰਡੀਗੜ੍ਹ, 3 ਜੁਲਾਈ
ਬੰਗਲੁਰੂ ਦੀ ਅੰਮ੍ਰਿਤ ਡਿਸਟਿਲਰੀਜ਼ ਨੇ ਲੰਡਨ ਵਿੱਚ 2024 ਇੰਟਰਨੈਸ਼ਨਲ ਸਪਿਰਿਟ ਚੈਲੇਂਜ ਵਿੱਚ ਵਿਸ਼ਵ ਦੀ ਸਰਵੋਤਮ ਵਿਸਕੀ ਦਾ ਖਿਤਾਬ ਜਿੱਤਿਆ ਹੈ। ਇਸ ਮੁਕਾਬਲੇ ਵਿੱਚ ਸਕਾਟਲੈਂਡ, ਆਇਰਲੈਂਡ, ਅਤੇ ਜਾਪਾਨ ਸਣੇ ਵਿਸ਼ਵ ਭਰ ਦੇ ਚੋਟੀ ਦੇ ਵਿਸਕੀ ਬ੍ਰਾਂਡ ਸ਼ਾਮਲ ਸਨ। ਅੰਮ੍ਰਿਤ ਡਿਸਟਿਲਰੀਜ਼ ਨੇ ਵਿਸ਼ਵ ਪੱਧਰ ’ਤੇ ਭਾਰਤੀ ਡਿਸਟਿਲਰੀਆਂ ਲਈ ਇੱਕ ਨਵਾਂ ਮਿਆਰ ਕਾਇਮ ਕਰਦੇ ਹੋਏ ਸਖ਼ਤ ਮੁਕਾਬਲੇ ਵਿਚ ਪੰਜ ਸੋਨ ਤਗਮੇ ਹਾਸਲ ਕੀਤੇ ਹਨ। ਦੱਸਣਾ ਬਣਦਾ ਹੈ ਕਿ ਅੰਮ੍ਰਿਤ ਕੰਪਨੀ ਦੀ ਸਥਾਪਨਾ ਮਰਹੂਮ ਰਾਧਾਕ੍ਰਿਸ਼ਨ ਜਗਦਲੇ ਵੱਲੋਂ 1948 ਵਿੱਚ ਕੀਤੀ ਗਈ ਸੀ।