ਜਸਬੀਰ ਸਿੰਘ ਸੱਗੂ
ਅੰਮ੍ਰਿਤਸਰ, 28 ਅਗਸਤ
ਬੀਤੀ ਅੱਧੀ ਰਾਤ ਨੂੰ ਮੋਹਲੇਧਾਰ ਮੀਂਹ ਕਾਰਨ ਸੁਲਤਾਨਵਿੰਡ ਇਲਾਕੇ ਵਿੱਚ ਤਿੰਨ ਮੰਜ਼ਿਲਾ ਮਕਾਨ ਦੀਆਂ ਤਿੰਨੇ ਛੱਤਾਂ ਡਿੱਗਣ ਨਾਲ ਤਿੰਨ ਵਿਅਕਤੀਆਂ ਦੀ ਮੌਤ ਹੋ ਗਈ, ਜਦਕਿ ਇਸ ਮਕਾਨ ਵਿੱਚ ਰਹਿੰਦੇ ਦੋ ਪਰਿਵਾਰ ਵਾਲ-ਵਾਲ ਬਚ ਗਏ। ਮ੍ਰਿਤਕਾਂ ਵਿੱਚ ਇਕ 80-85 ਸਾਲਾ ਬਜ਼ੁਰਗ, ਇੱਕ 35-36 ਸਾਲਾ ਨੌਜਵਾਨ ਤੇ 8 ਸਾਲਾ ਲੜਕੀ ਸ਼ਾਮਲ ਹਨ। ਹਾਦਸੇ ਸਮੇਂ ਸੰਨੀ ਆਪਣੀ ਬੇਟੀ ਨਾਲ ਮਕਾਨ ਦੀ ਵਿਚਕਾਰਲੀ ਮੰਜ਼ਿਲ ’ਤੇ ਸੁੱਤਾ ਸੀ, ਜਦਕਿ ਬਜ਼ੁਰਗ ਲਾਲ ਸਿੰਘ ਹੇਠ ਕਮਰੇ ਵਿਚ ਸੀ। ਤਿੰਨੇ ਵਿਅਕਤੀ ਮਲਬੇ ਹੇਠਾਂ ਦੱਬੇ ਗਏ। ਘਟਨਾ ਦੀ ਸੂਚਨਾ ਮਿਲਣ ’ਤੇ ਪੁਲੀਸ ਤੇ ਫਾਇਰ ਬ੍ਰਿਗੇਡ ਦੀਆਂ ਟੀਮਾਂ ਮੌਕੇ ਨੇ ਮਲਬਾ ਹਟਾ ਕੇ ਤਿੰਨਾਂ ਨੂੰ ਹਸਪਤਾਲ ਪਹੁੰਚਾਇਆ, ਜਿਥੇ ਉਨ੍ਹਾਂ ਨੂੰ ਮ੍ਰਿਤਕ ਕਰਾਰ ਦੇ ਦਿੱਤਾ ਗਿਆ। ਜਾਂਚ ਅਧਿਕਾਰੀ ਨਰਿੰਦਰ ਸਿੰਘ ਨੇ ਦੱਸਿਆ ਹੈ ਕਿ ਘਟਨਾ ਦਾ ਪਤਾ ਲੱਗਣ ’ਤੇ ਥਾਣਾ ਬੀ ਡਵੀਜ਼ਨ ਦੀ ਪੁਲੀਸ ਪਾਰਟੀ ਸਮੇਤ ਸੀਨੀਅਰ ਪੁਲੀਸ ਅਫਸਰ ਵੀ ਮੌਕੇ `ਤੇ ਪਹੁੰਚ ਪਹੁੰਚ ਗਏ।ਉਨਾਂ ਕਿਹਾ ਕਿ ਇਮਾਰਤ ਪੁਰਾਣੀ ਸੀ, ਜਿਸ ਵਿੱਚ ਪਰਿਵਾਰ ਕਿਰਾਏ ’ਤੇ ਰਹਿੰਦੇ ਸਨ।
