ਨਵੀਂ ਦਿੱਲੀ: ਸੀਨੀਅਰ ਆਈਪੀਸੀ ਅਫ਼ਸਰ ਜਤਿੰਦਰ ਸਿੰਘ ਮੀਨਾ ਨੂੰ ਸੈਂਟਰਲ ਬਿਊਰੋ ਆਫ਼ ਇਨਵੈਸਟੀਗੇਸ਼ਨ (ਸੀਬੀਆਈ) ਦਾ ਡਿਪਟੀ ਇੰਸਪੈਕਟਰ ਜਨਰਲ (ਡੀਆਈਜੀ) ਨਿਯੁਕਤ ਕੀਤਾ ਗਿਆ ਹੈ। ਮੀਨਾ ਇੰਡੀਅਨ ਪੁਲੀਸ ਸਰਵਿਸ (ਆਈਪੀਐੱਸ) ਦੇ 2007 ਬੈਚ ਦੇ ਛੱਤੀਸਗੜ੍ਹ ਕੇਡਰ ਦੇ ਅਧਿਕਾਰੀ ਹਨ ਅਤੇ ਉਨ੍ਹਾਂ ਨੂੰ ਪੰਜ ਸਾਲ ਲਈ ਇਸ ਅਹੁਦੇ ਲਈ ਨਿਯੁਕਤ ਕੀਤਾ ਗਿਆ ਹੈ। ਜਾਰੀ ਹੁਕਮਾਂ ਅਨੁਸਾਰ ਉਨ੍ਹਾਂ ਦੇ ਨਾਲ ਚਾਰ ਐੱਸਪੀਜ਼ ਦੀ ਵੀ ਨਿਯੁਕਤੀ ਕੀਤੀ ਗਈ ਹੈ। ਇਨ੍ਹਾਂ ਵਿੱਚ ਮੱਧ ਪ੍ਰਦੇਸ਼ ਕੇਡਰ ਦੇ ਆਈਪੀਐਸ ਅਧਿਕਾਰੀ ਵਿਨਾਇਕ ਵਰਮਾ, ਗੁਜਰਾਤ ਦੇ ਆਂਚਲ ਤਿਆਗੀ ਅਤੇ ਗੁਜਰਾਤ ਕੇਡਰ ਦੇ ਹੀ ਪਰਵੀਨ ਕੁਮਾਰ ਨੂੰ ਪੰਜ ਸਾਲ ਲਈ ਐੱਸਪੀ ਨਿਯੁਕਤ ਕੀਤਾ ਗਿਆ ਹੈ। ਇੰਡੀਅਨ ਰੈਵੇਨਿਊ ਸਰਵਿਸ ਦੇ ਅਧਿਕਾਰੀ ਗੌਰਵ ਮਿੱਤਲ ਨੂੰ ਚਾਰ ਸਾਲ ਲਈ ਐੱਸਪੀ ਨਿਯੁਕਤ ਕੀਤਾ ਗਿਆ ਹੈ। -ਪੀਟੀਆਈ
ਸਬੰਧਿਤ ਖ਼ਬਰਾਂ
