ਅਮਰਾਵਤੀ, 12 ਜੂਨ
ਤੇਲਗੂ ਦੇਸ਼ਮ ਪਾਰਟੀ (ਟੀਡੀਪੀ) ਦੇ ਮੁਖੀ ਐੱਨ. ਚੰਦਰਬਾਬੂ ਨਾਇਡੂ ਨੇ ਅੱਜ ਚੌਥੀ ਵਾਰ ਆਂਧਰਾ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕੀ। ਜਨਸੈਨਾ ਦੇ ਮੁਖੀ ਪਵਨ ਕਲਿਆਣ ਨੇ ਰਾਜ ਦੇ ਮੰਤਰੀ ਵਜੋਂ ਸਹੁੰ ਚੁੱਕੀ।ਸ੍ਰੀ ਚੰਦਰਬਾਬੂ ਨਾਇਡੂ ਦੇ ਪੁੱਤਰ ਨਾਰਾ ਲੋਕੇਸ਼ ਨੇ ਵੀ ਮੰਤਰੀ ਵਜੋਂ ਸਹੁੰ ਚੁੱਕੀ। ਰਾਜਪਾਲ ਐੱਸ ਅਬਦੁਲ ਨਜ਼ੀਰ ਨੇ ਸਹੁੰ ਚੁਕਾਈ। ਟੀਡੀਪੀ ਮੁਖੀ ਨੇ ਵਿਜੈਵਾੜਾ ਦੇ ਬਾਹਰਵਾਰ ਕੇਸਰਪੱਲੀ ਵਿੱਚ ਗੰਨਾਵਰਮ ਹਵਾਈ ਅੱਡੇ ਦੇ ਸਾਹਮਣੇ ਮੇਧਾ ਆਈਟੀ ਪਾਰਕ ਨੇੜੇ ਸਹੁੰ ਚੁੱਕੀ। ਸਮਾਗਮ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਅਮਿਤ ਸ਼ਾਹ, ਜੇਪੀ ਨੱਢਾ ਤੇ ਨਿਤਿਨ ਗਡਕਰੀ ਸਣੇ ਕਈ ਹੋਰ ਉੱਘੀਆ ਹਸਤੀਆਂ ਹਾਜ਼ਰ ਸਨ।
