ਟ੍ਰਿਬਿਊਨ ਨਿਊਜ਼ ਸਰਵਿਸ
ਨਵੀਂ ਦਿੱਲੀ, 3 ਅਗਸਤ
ਅਨਲੌਕ ਦੇ ਤੀਜੇ ਗੇੜ ਤਹਿਤ 5 ਅਗਸਤ ਤੋਂ ਜਿੰਮ ਖੋਲ੍ਹਣ ਦੀ ਦਿੱਤੀ ਖੁੱਲ੍ਹ ਦਰਮਿਆਨ ਸਿਹਤ ਮੰਤਰਾਲੇ ਨੇ ਜਿੰਮ ਮਾਲਕਾਂ ਨੂੰ ਕੁਝ ਖਾਸ ਹਦਾਇਤਾਂ ਦੀ ਪਾਲਣਾ ਯਕੀਨੀ ਬਣਾਉਣ ਲਈ ਕਿਹਾ ਹੈ। ਹਦਾਇਤਾਂ ਮੁਤਾਬਕ ਜਿੰਮ ਦੇ ਸ਼ੌਕੀਨ ਆਪਣਾ ਮੈਟ ਖ਼ੁਦ ਲਿਆਉਣਗੇ ਤੇ ਜਿੰਮ ਵਿੱਚ ਦਾਖ਼ਲੇ ਤੋਂ ਪਹਿਲਾਂ ਹਰੇਕ ਦਾ ਆਕਸੀਜਨ ਦਾ ਪੱਧਰ ਚੈੱਕ ਲਾਜ਼ਮੀ ਕੀਤਾ ਜਾਵੇਗਾ। ਆਕਸੀਜ਼ਨ ਸੈਚੂਰੇਸ਼ਨ ਦਾ ਪੱਧਰ 95 ਫੀਸਦ ਤੋਂ ਘੱਟ ਰਹਿਣ ਦੀ ਸੂਰਤ ’ਚ ਸਬੰਧਤ ਵਿਅਕਤੀ ਨੂੰ ਅੰਦਰ ਦਾਖ਼ਲਾ ਨਹੀਂ ਮਿਲੇਗਾ। ਇਸ ਦੌਰਾਨ ਜਿੰਮਾਂ ਤੇ ਯੋਗਾ ਸਟੂਡੀਓਜ਼ ਵਿੱਚ ਲਾਫਟਰ ਯੋਗਾ ਦੀ ਅਜੇ ਇਜਾਜ਼ਤ ਨਹੀਂ ਹੋਵੇਗੀ। ਕਸਰਤ ਨਾਲ ਸਬੰਧਤ ਸਾਰੇ ਸਾਜ਼ੋ ਸਾਮਾਨ ’ਚ ਛੇ ਫੁੱਟ ਦਾ ਫਾਸਲਾ ਰੱਖਣਾ ਲਾਜ਼ਮੀ ਹੋਵੇਗਾ।
