ਕੋਲਕਾਤਾ, 1 ਮਾਰਚ
ਆਲ ਇੰਡੀਆ ਕਾਂਗਰਸ ਕਮੇਟੀ (ਏਆਈਸੀਸੀ) ਨੇ ਚੋਣ ਆਧਾਰਿਤ ਸੂਬੇ ਪੱਛਮੀ ਬੰਗਾਲ ਲਈ 28 ਅਬਜ਼ਰਵਰ ਨਿਯੁਕਤ ਕੀਤੇ ਹਨ। ਪਾਰਟੀ ਦੇ ਇੱਕ ਸੀਨੀਅਰ ਨੇਤਾ ਨੇ ਇਸ ਬਾਰੇ ਜਾਣਕਾਰੀ ਦਿੱਤੀ। ਗੁਜਰਾਤ, ਰਾਜਸਥਾਨ, ਮੱਧ ਪ੍ਰਦੇਸ਼, ਬਿਹਾਰ ਅਤੇ ਝਾਰਖੰਡ ਵਰਗੇ ਸੂਬਿਆਂ ਦੇ ਕਾਂਗਰਸ ਆਗੂਆਂ ਨੂੰ 294 ਮੈਂਬਰੀ ਪੱਛਮੀ ਬੰਗਾਲ ਵਿਧਾਨ ਸਭਾ ਦੇ ਅੱਠ ਗੇੜਾਂ ’ਚ ਹੋਣ ਵਾਲੀਆਂ ਚੋਣਾਂ ਲਈ ਅਬਜ਼ਰਵਰ ਨਿਯੁਕਤ ਕੀਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਏਆਈਸੀਸੀ ਨੇ ਕੋਲਕਾਤਾ ਦੇ ਉੱਤਰੀ, ਦੱਖਣੀ, ਮੱਧ ਅਤੇ ਬੜਾ ਬਾਜ਼ਾਰ ਲਈ ਚਾਰ ਅਬਜ਼ਰਵਰ ਨਿਯੁਕਤ ਕੀਤੇ ਹਨ ਜਦਕਿ ਉੱਤਰੀ 24 ਪਰਗਨਾ ਅਤੇ ਦੱਖਣੀ 24 ਪਰਗਨਾ ਜ਼ਿਲ੍ਹਿਆਂ ਲਈ ਦੋ-ਦੋ ਅਬਜ਼ਰਵਰ ਲਾਏ ਗਏ ਹਨ। ਕਾਂਗਰਸ ਆਗੂ ਨੇ ਦੱਸਿਆ ਕਿ ਬਾਕੀ ਸਾਰੇ ਜ਼ਿਲ੍ਹਿਆਂ ’ਚ 1-1 ਅਬਜ਼ਰਵਰ ਹੋਵੇਗਾ। ਸੂਬੇ ’ਚ 27 ਮਾਰਚ ਤੋਂ 29 ਅਪਰੈਲ ਵਿਚਾਲੇ ਵਿਧਾਨ ਸਭਾ ਚੋਣਾਂ ਅੱਠ ਗੇੜਾਂ ’ਚ ਹੋਣਗੀਆਂ। -ਪੀਟੀਆਈ
