ਨਵੀਂ ਦਿੱਲੀ, 15 ਅਕਤੂਬਰ
ਕਾਂਗਰਸ ਪਾਰਟੀ ਨੇ ਅੱਜ ਆਗਾਮੀ ਉੱਤਰ ਪ੍ਰਦੇਸ਼ ਚੋਣਾਂ ਲਈ ਵੱਖ-ਵੱਖ ਪੈਨਲ ਬਣਾ ਦਿੱਤੇ ਹਨ। ਪਾਰਟੀ ਦੇ ਸੀਨੀਅਰ ਆਗੂ ਪੀ.ਐੱਲ. ਪੂਨੀਆ ਨੂੰ ਅਹਿਮ ਮੰਨੀ ਜਾਂਦੀ ਪ੍ਰਚਾਰ ਕਮੇਟੀ ਦਾ ਮੁਖੀ ਲਗਾਇਆ ਗਿਆ ਹੈ। ਪਾਰਟੀ ਦੇ ਬਿਆਨ ਅਨੁਸਾਰ ਪਾਰਟੀ ਪ੍ਰਧਾਨ ਸੋਨੀਆ ਗਾਂਧੀ ਨੇ ਚੋਣ ਪ੍ਰਚਾਰ ਕਮੇਟੀ, ਚੋਣ ਰਣਨੀਤੀ ਤੇ ਯੋਜਨਾ ਕਮੇਟੀ, ਚੋਣ ਤਾਲਮੇਲ ਕਮੇਟੀ, ਚਾਰਜਸ਼ੀਟ ਕਮੇਟੀ ਅਤੇ ਉੱਤਰ ਪ੍ਰਦੇਸ਼ ਕਾਂਗਰਸ ਕਮੇਟੀ ਚੋਣ ਮਨੋਰਥ ਪੱਤਰ ਕਮੇਟੀ ਬਣਾਉਣ ਸਬੰਧੀ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਬਿਆਨ ਅਨੁਸਾਰ 20 ਮੈਂਬਰੀ ਪ੍ਰਚਾਰ ਕਮੇਟੀ ਦੀ ਅਗਵਾਈ ਪੂਨੀਆ ਕਰਨਗੇ ਜਦਕਿ ਪ੍ਰਦੀਪ ਜੈਨ ਆਦਿੱਤਿਆ ਇਸ ਦੇ ਕਨਵੀਨਰ ਹੋਣਗੇ। ਪੈਨਲ ਵਿਚ ਮੋਹਸਿਨਾ ਕਿਦਵਈ, ਪ੍ਰਮੋਦ ਤਿਵਾੜੀ, ਰਾਜ ਬੱਬਰ, ਆਰਪੀਐੱਨ ਸਿੰਘ, ਨਸੀਮੂਦੀਨ ਸਿੱਦਕੀ, ਇਮਰਾਨ ਮਸੂਦ ਅਤੇ ਇਮਰਾਨ ਪ੍ਰਤਾਪਗੜ੍ਹੀ ਵਰਗੇ ਆਗੂ ਸ਼ਾਮਲ ਹਨ। -ਪੀਟੀਆਈ
