ਨਵੀਂ ਦਿੱਲੀ, 12 ਅਪਰੈਲ
ਵਾਲਮਾਰਟ ਦੀ ਮਾਲਕੀ ਵਾਲੇ ਫਲਿਪਕਾਰਟ ਨੇ ਸੋਮਵਾਰ ਨੂੰ ਕਿਹਾ ਕਿ ਉਸਨੇ ਆਪਣੇ ਲੌਜਿਸਟਿਕਸ ਅਤੇ ਡੇਟਾ ਕੇਂਦਰ ਦੀ ਸਮਰੱਥਾ ਮਜ਼ਬੂਤ ਕਰਨ ਲਈ ਅਡਾਨੀ ਗਰੁੱਪ ਨਾਲ ਵਪਾਰਕ ਭਾਈਵਾਲੀ ਕੀਤੀ ਹੈ ਜਿਸ ਨਾਲ ਲਗਪਗ 2500 ਲੋਕਾਂ ਨੂੰ ਸਿੱਧਾ ਰੁਜ਼ਗਾਰ ਮਿਲੇਗਾ। ਕੰਪਨੀ ਨੇ ਇਕ ਬਿਆਨ ਵਿੱਚ ਕਿਹਾ ਕਿ ਇਸ ਦੁਵੱਲੀ ਭਾਈਵਾਲੀ ਤਹਿਤ ਫਲਿੱਪਕਾਰਟ ਅਡਾਨੀ ਪੋਰਟਸ ਲਿਮਟਿਡ ਐਂਡ ਸਪੈਸ਼ਲ ਇਕਨਾਮਿਕ ਜ਼ੋਨ ਲਿਮਟਿਡ ਦੀ ਮਾਲਕੀ ਵਾਲੀ ਭਾਈਵਾਲ ਕੰਪਨੀ ਅਡਾਨੀ ਲੌਜਿਸਟਿਕਸ ਲਿਮਟਿਡ ਨਾਲ ਮਿਲ ਕੇ ਕੰਮ ਕਰੇਗੀ ਤਾਂ ਜੋ ਸਪਲਾਈ ਚੇਨ ਦੇ ਬੁਨਿਆਦੀ ਢਾਂਚੇ ਨੂੰ ਮਜ਼ਬੂਤ ਕੀਤਾ ਜਾ ਸਕੇ ਅਤੇ ਗਾਹਕਾਂ ਨੂੰ ਤੇਜ਼ੀ ਨਾਲ ਸੇਵਾਵਾਂ ਮੁਹੱਈਆ ਕਰਾਈਆਂ ਜਾ ਸਕਣ। ਇਸ ਦੇ ਇਲਾਵਾ ਫਲਿੱਪਕਾਰਟ ਆਪਣਾ ਤੀਜਾ ਡੇਟਾ ਸੈਂਟਰ ਅਡਾਨੀਕਾਨੇਕਸ ਦੇ ਚੇਨਈ ਸਥਿਤ ਪਲਾਂਟ ਵਿੱਚ ਸਥਾਪਤ ਕਰੇਗੀ। -ਏਜੰਸੀ
