ਟ੍ਰਿਬਿਊਨ ਨਿਊਜ਼ ਸਰਵਿਸ
ਹੈਦਰਾਬਾਦ, 30 ਅਗਸਤ
ਤੇਲੰਗਾਨਾ ਵਿੱਚ ਪਿਛਲੇ 24 ਘੰਟਿਆਂ ਵਿੱਚ ਭਾਰੀ ਮੀਂਹ ਕਾਰਨ ਵਾਪਰੇ ਹਾਦਸਿਆਂ ਵਿੱਚ ਨਵਵਿਆਹੀ ਸਣੇ ਚਾਰ ਮੌਤਾਂ ਹੋ ਗਈਆਂ ਹਨ ਜਦਕਿ ਇਕ ਨੌਜਵਾਨ ਲਾਪਤਾ ਹੈ। ਪੁਲੀਸ ਨੇ ਦੱਸਿਆ ਕਿ ਇਲਾਕੇ ਵਿੱਚ ਭਾਰੀ ਮੀਂਹ ਕਾਰਨ ਓਵਰਫਲੋਅ ਹੋਏ ਟੈਂਕ ਨੇੜੇ ਪੁਲ ਪਾਰ ਕਰਦੇ ਸਮੇਂ ਕਾਰ ਰੁੜ੍ਹ ਗਈ ਜਿਸ ਵਿੱਚ ਚਾਰ ਜਣੇ ਸਵਾਰ ਸਨ। ਇਸ ਹਾਦਸੇ ਵਿੱਚ ਨਵਵਿਆਹੀ ਸਣੇ ਦੋ ਔਰਤਾਂ ਤੇ ਇਕ ਪੁਰਸ਼ ਦੀ ਮੌਤ ਹੋ ਗਈ ਜਦੋਂਕਿ ਬੱਚੇ ਦੀ ਭਾਲ ਕੀਤੀ ਜਾ ਰਹੀ ਹੈ। ਪਿਛਲੇ ਹਫ਼ਤੇ ਵਿਆਹਿਆ ਜੋੜਾ ਪਰਿਵਾਰ ਸਣੇ ਵਿਆਹ ਦੀਆਂ ਰਸਮਾਂ ਪੂਰੀਆਂ ਕਰਨ ਮਗਰੋਂ ਆਪਣੇ ਪਿੰਡ ਪਰਤ ਰਿਹਾ ਸੀ। ਇਸੇ ਦੌਰਾਨ ਵਾਪਰੇ ਹੋਰ ਹਾਦਸੇ ਵਿੱਚ ਪੁਲ ਤੋਂ ਕਾਰ ਰੁੜ੍ਹਨ ਕਾਰਨ 70 ਸਾਲਾ ਬਿਰਧ ਵਿਅਕਤੀ ਦੀ ਮੌਤ ਹੋ ਗਈ। -ਪੀਟੀਆਈ
