ਜੰਮੂ, 20 ਅਪਰੈਲ
ਕੇਂਦਰ ਸ਼ਾਸਿਤ ਪ੍ਰਦੇਸ਼ ਦੇ ਰਾਮਬਣ ਜ਼ਿਲ੍ਹੇ ਵਿੱਚ ਜੰਮੂ-ਸ਼੍ਰੀਨਗਰ ਹਾਈਵੇਅ ’ਤੇ ਜ਼ਮੀਨ ਖਿਸਕਣ ਕਾਰਨ ਸੜਕੀ ਆਵਾਜਾਈ ਨੂੰ ਬੰੰਦ ਕਰ ਦਿੱਤਾ ਗਿਆ ਹੈ। ਅਧਿਕਾਰੀਆਂ ਨੇ ਕਿਹਾ ਕਿ ਜ਼ਮੀਨ ਖਿਸਕਣ ਨਾਲ ਕੈਫੇਟੇਰੀਆ ਮੋੜ ਨੇੜੇ ਹਾਈਵੇਅ ਜਾਮ ਹੋ ਗਿਆ। ਉਨ੍ਹਾਂ ਦੱਸਿਆ ਕਿ ਨਾਕਾਬੰਦੀ ਕਾਰਨ ਕਾਜ਼ੀਗੁੰਡ ਤੋਂ ਸੋਮਵਾਰ ਦੀ ਦੇਰ ਰਾਤ ਸ਼ੁਰੂ ਹੋਏ ਸੈਂਕੜੇ ਜੰਮੂ ਜਾਣ ਵਾਲੇ ਟਰੱਕ ਰਾਮਬਨ ਅਤੇ ਰਾਮਸੂ ਵਿਚਕਾਰ ਫਸ ਗਏ ਹਨ।
ਉਨ੍ਹਾਂ ਦੱਸਿਆ ਕਿ ਨਗਰੋਟਾ ਅਤੇ ਊਧਮਪੁਰ ਵਿੱਚ ਰਾਹਗੀਰਾਂ ਨੂੰ ਰੋਕ ਦਿੱਤਾ ਗਿਆ ਹੈ।
ਟ੍ਰੈਫਿਕ ਪੁਲੀਸ, ਰਾਮਬਨ ਦੇ ਡਿਪਟੀ ਸੁਪਰਡੈਂਟ, ਪਾਰੁਲ ਭਾਰਦਵਾਜ ਨੇ ਕਿਹਾ ਕਿ ਬਹਾਲੀ ਦਾ ਕੰਮ ਸਵੇਰੇ ਤੜਕੇ ਸ਼ੁਰੂ ਹੋਇਆ ਸੀ ਅਤੇ ਪ੍ਰਭਾਵਿਤ ਖੇਤਰ ਵਿੱਚ ਆਵਾਜਾਈ ਬਹਾਲ ਕਰਨ ਲਈ ਕੁਝ ਘੰਟੇ ਲੱਗਣਗੇ। -ਪੀਟੀਆਈ
