ਜੰਮੂ, 17 ਅਕਤੂਬਰ
ਸੁਰੱਖਿਆ ਬਲਾਂ ਨੇ ਜੰਮੂ-ਕਸ਼ਮੀਰ ਦੇ ਪੁਣਛ ਜ਼ਿਲ੍ਹੇ ਵਿੱਚ ਦਹਿਸ਼ਤਗਰਦਾਂ ਦੇ ਟਿਕਾਣੇ ਦਾ ਪਰਦਾਫਾਸ਼ ਕਰਦਿਆਂ ਉੱਥੋਂ ਹਥਿਆਰ ਅਤੇ ਗੋਲੀਸਿੱਕਾ ਬਰਾਮਦ ਕੀਤਾ ਹੈ।
ਅਧਿਕਾਰੀਆਂ ਨੇ ਦੱਸਿਆ ਕਿ ਸਰਹੱਦੀ ਜ਼ਿਲ੍ਹੇ ਦੇ ਸੂਰਨਕੋਟ ਇਲਾਕੇ ਦੇ ਪਿੰਡ ਸਾਂਗਲਾ ਵਿੱਚ ਇਸ ਟਿਕਾਣੇ ਦਾ ਪਤਾ ਪੁਲੀਸ ਅਤੇ ਸੁਰੱਖਿਆ ਜਵਾਨਾਂ ਵੱਲੋਂ ਚਲਾਈ ਸਾਂਝੀ ਤਲਾਸ਼ੀ ਮੁਹਿੰਮ ਦੌਰਾਨ ਲੱਗਿਆ। ਅਧਿਕਾਰੀਆਂ ਮੁਤਾਬਕ ਤਲਾਸ਼ੀ ਦੌਰਾਨ ਉਕਤ ਟਿਕਾਣੇ ਤੋਂ ਇੱਕ ਪਿਸਤੌਲ, ਚਾਰ ਹੱਥਗੋਲੇ, ਚਾਰ ਅੰਡਰ ਬੈਰਲ ਗਰਨੇਡ ਲਾਂਚਰ (ਯੂਬੀਜੀਐੱਲ) ਕਾਰਤੂਸ, ਇੱਕ ਵਾਇਰਲੈੱਸ ਸੈੱਟ, ਬਾਰੂਦੀ ਸੁਰੰਗਾਂ ਦੀਆਂ 16 ਬੈਟਰੀਆਂ ਅਤੇ ਕਾਰਤੂਸਾਂ ਸਣੇ ਤਿੰਨ ਏਕੇ ਮੈਗਜ਼ੀਨ ਬਰਾਮਦ ਹੋਏ ਹਨ। ਉਨ੍ਹਾਂ ਦੱਸਿਆ ਕਿ ਇਹ ਤਲਾਸ਼ੀ ਮੁਹਿੰਮ ਖਾਸ ਇਤਲਾਹ ’ਤੇ ਚਲਾਈ ਗਈ ਸੀ। ਇਸ ਸਬੰਧੀ ਹਾਲੇ ਕਿਸੇ ਨੂੰ ਗ੍ਰਿਫ਼ਤਾਰ ਨਹੀਂ ਕੀਤਾ ਗਿਆ। -ਪੀਟੀਆਈ
