ਜੈਪੁਰ: ਆਨਲਾਈਨ ਸੁਣਵਾਈ ਦੌਰਾਨ ਸੀਨੀਅਰ ਵਕੀਲ ਰਾਜੀਵ ਧਵਨ ਵੱਲੋਂ ਹੁੱਕਾ ਪੀਣ ’ਤੇ ਹਾਈ ਕੋਰਟ ਦੇ ਜੱਜ ਨੇ ਉਨ੍ਹਾਂ ਨੂੰ ਸਿਹਤ ਦਾ ਧਿਆਨ ਰੱਖਣ ਦੀ ਨਸੀਹਤ ਦਿੱਤੀ ਹੈ। ਵੀਡੀਓ ਕਲਿੱਪ ’ਚ ਉਹ ਹੁੱਕਾ ਪੀਂਦੇ ਹੋਏ ਦਿਖਾਈ ਦਿੰਦੇ ਹਨ। ਇਹ ਘਟਨਾ ਮੰਗਲਵਾਰ ਨੂੰ ਜਸਟਿਸ ਮਹੇਂਦਰ ਕੁਮਾਰ ਗੋਇਲ ਦੀ ਅਦਾਲਤ ’ਚ ਵਾਪਰੀ ਦੱਸੀ ਗਈ ਹੈ। ਸ੍ਰੀ ਧਵਨ ਬਹੁਜਨ ਸਮਾਜ ਪਾਰਟੀ ਦੇ ਛੇ ਵਿਧਾਇਕਾਂ ਦੀ ਨੁਮਾਇੰਦਗੀ ਕਰ ਰਹੇ ਹਨ, ਜੋ ਰਾਜਸਥਾਨ ’ਚ ਕਾਂਗਰਸ ’ਚ ਸ਼ਾਮਲ ਹੋ ਗਏ ਹਨ। ਜੱਜ ਦੀ ਟਿੱਪਣੀ ਵੀਰਵਾਰ ਨੂੰ ਆਈ ਜਦੋਂ ਕੇਸ ’ਤੇ ਸੁਣਵਾਈ ਹੋਈ। ਜੱਜ ਨੇ ਹਲਕੇ-ਫੁਲਕੇ ਅੰਦਾਜ਼ ’ਚ ਸ੍ਰੀ ਧਵਨ ਨੂੰ ਸਲਾਹ ਦਿੱਤੀ ਕਿ ਉਹ ਹੁੱਕਾ ਅਤੇ ਸਿਗਰਟ ਪੀਣ ਦੀ ਆਦਤ ਛੱਡ ਦੇਣ ਕਿਉਂਕਿ ਵੱਡੀ ਉਮਰ ’ਚ ਇਹ ਸਿਹਤ ਲਈ ਹਾਨੀਕਾਰਕ ਹੈ।
-ਪੀਟੀਆਈ
