ਕੋਚੀ, 26 ਸਤੰਬਰ
ਮਲਿਆਲਮ ਅਦਾਕਾਰ ਸ੍ਰੀਨਾਥ ਭਾਸੀ ਨੂੰ ਪੁਲੀਸ ਨੇ ਇਕ ਮਹਿਲਾ ਪੱਤਰਕਾਰ ਦੀ ਸ਼ਿਕਾਇਤ ਉਤੇ ਗ੍ਰਿਫ਼ਤਾਰ ਕੀਤਾ ਹੈ। ਪੱਤਰਕਾਰ ਨੇ ਅਦਾਕਾਰ ’ਤੇ ਇੰਟਰਵਿਊ ਦੌਰਾਨ ਗਾਲਾਂ ਕੱਢਣ ਤੇ ਮਾੜੀ ਸ਼ਬਦਾਵਲੀ ਵਰਤਣ ਦਾ ਦੋਸ਼ ਲਾਇਆ ਹੈ। ਇਸ ਤੋਂ ਪਹਿਲਾਂ ਪੁਲੀਸ ਨੇ ਅਦਾਕਾਰ ਨੂੰ ਕੋਚੀ ਦੇ ਮਰਾੜੂ ਪੁਲੀਸ ਥਾਣੇ ਵਿੱਚ ਪੁੱਛਗਿੱਛ ਲਈ ਸੱਦਿਆ ਸੀ। ਪੁਲੀਸ ਨੇ ਸ੍ਰੀਨਾਥ ਖ਼ਿਲਾਫ਼ ਵੱਖ-ਵੱਖ ਧਾਰਾਵਾਂ ਹੇਠ ਕੇਸ ਦਰਜ ਕਰਨ ਤੋਂ ਬਾਅਦ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਹਾਲਾਂਕਿ ਸ੍ਰੀਨਾਥ ਨੂੰ ਜ਼ਮਾਨਤ ਮਿਲ ਜਾਵੇਗੀ ਕਿਉਂਕਿ ਇਹ ਅਪਰਾਧ ਗ਼ੈਰ-ਜ਼ਮਾਨਤੀ ਨਹੀਂ ਹੈ। ਇਹ ਘਟਨਾ 21 ਸਤੰਬਰ ਨੂੰ ਵਾਪਰੀ ਸੀ ਜਦ ਅਦਾਕਾਰ ਆਪਣੀ ਇਕ ਫ਼ਿਲਮ ਦੀ ਪ੍ਰਚਾਰ ਮੁਹਿੰਮ ਵਿਚ ਹਿੱਸਾ ਲੈ ਰਿਹਾ ਸੀ। -ਪੀਟੀਆਈ
