ਇੰਫਾਲ: ਮਨੀਪੁਰ ਦੇ ਇੰਫਾਲ ਪੱਛਮੀ ਜ਼ਿਲ੍ਹੇ ਵਿੱਚ ਅੱਜ ਤਿੰਨ ਖਾਲੀ ਟਰੱਕਾਂ ਨੂੰ ਅੱਗ ਲਗਾ ਦਿੱਤੀ ਗਈ। ਪੁਲੀਸ ਅਨੁਸਾਰ ਇਹ ਘਟਨਾ ਅਵਾਂਗ ਸੇਕਮਈ ਖੇਤਰ ਵਿੱਚ ਵਾਪਰੀ। ਇਹ ਇਲਾਕਾ ਸੇਕਮਈ ਥਾਣੇ ਅਧੀਨ ਆਉਂਦਾ ਹੈ। ਜਿਨ੍ਹਾਂ ਟਰੱਕਾਂ ਨੂੰ ਅੱਗ ਲਾਈ ਗਈ ਹੈ ਉਹ ਐੱਲਪੀਜੀ ਸਿਲੰਡਰ ਢੋਣ ਦੇ ਕੰਮ ਆਉਂਦੇ ਸਨ। ਇਹ ਟਰੱਕ ਇਕ ਪਾਰਕ ਵਿੱਚ ਖੜ੍ਹੇ ਸਨ। ਘਟਨਾ ਲਈ ਜ਼ਿੰਮੇਵਾਰ ਵਿਅਕਤੀਆਂ ਦੀ ਫਿਲਹਾਲ ਪਛਾਣ ਨਹੀਂ ਹੋ ਸਕੀ ਹੈ। ਮਨੀਪੁਰ ਦੇ ਪੂਰਬੀ ਇੰਫਾਲ ਜ਼ਿਲ੍ਹੇ ਦੇ ਸਵੋਮਬੰਗ ਇਲਾਕੇ ਵਿੱਚ ਅੱਜ ਸ਼ਾਮ ਇਕ ਔਰਤ ਦੀ ਹੱਤਿਆ ਕਰ ਦਿੱਤੀ ਗਈ ਤੇ ਉਸ ਦੇ ਚਿਹਰੇ ਨੂੰ ਵਿਗਾੜ ਦਿੱਤਾ ਗਿਆ। ਅਧਿਕਾਰੀਆਂ ਅਨੁਸਾਰ ਇਸ ਔਰਤ ਦੀ ਉਮਰ 50 ਸਾਲਾਂ ਤੋਂ ਵਧ ਸੀ ਤੇ ਉਸ ਦੇ ਚਿਹਰੇ ’ਤੇ ਗੋਲੀ ਮਾਰੀ ਗਈ। -ਪੀਟੀਆਈ
ਸਬੰਧਿਤ ਖ਼ਬਰਾਂ
