Very adorable complaint. Have directed the school education department to come out with a policy within 48 hours to lighten burden of homework on school kids. Childhood innocence is gift of God and their days should be lively, full of joy and bliss. https://t.co/8H6rWEGlDa
— Office of LG J&K (@OfficeOfLGJandK) May 31, 2021
ਟ੍ਰਿਬਿਊਨ ਵੈੱਬ ਡੈਸਕ
ਚੰਡੀਗੜ੍ਹ, 1 ਜੂਨ
ਇਕ ਛੇ ਸਾਲਾ ਬੱਚੀ ਨੇ 45 ਸਕਿੰਟਾਂ ਦੀ ਵੀਡੀਓ ਜ਼ਰੀਏ ਆਨਲਾਈਨ ਕਲਾਸਾਂ ਦੇ ਹਵਾਲੇ ਨਾਲ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਸਵਾਲ ਕੀਤਾ ਹੈ ਕਿ ‘ਛੋਟੇ ਬੱਚੋਂ ਕੋ ਇਤਨਾ ਕਾਮ ਕਿਉਂ ਦੇਤੇ ਹੋ।’ ਸ੍ਰੀ ਮੋਦੀ ਨੇ ਭਾਵੇਂ ਇਸ ਵੀਡੀਓ ਦਾ ਅਜੇ ਨੋਟਿਸ ਨਹੀਂ ਲਿਆ, ਪਰ ਜੰਮੂ ਤੇ ਕਸ਼ਮੀਰ ਦੇ ਉਪ ਰਾਜਪਾਲ ਮਨੋਜ ਸਿਨਹਾ ਨੇ ਛੇ ਸਾਲਾ ਬੱਚੀ ਵੱਲੋਂ ‘ਹੋਮ ਵਰਕ ਦੀ ਭਾਰੀ ਪੰਡ’ ਸਬੰਧੀ ਕੀਤੀ ਸ਼ਿਕਾਇਤ ਵੱਲ ਧਿਆਨ ਧਰਦਿਆਂ ਸਕੂਲ ਸਿੱਖਿਆ ਵਿਭਾਗ ਨੂੰ ਹਦਾਇਤ ਕੀਤੀ ਹੈ ਕਿ ਉਹ ਸਕੂਲ ਦੇ ਬੱਚਿਆਂ ’ਤੇ ਹੋਮਵਰਕ ਦੇ ਵਧਦੇ ਬੋਝ ਨੂੰ ਕੁਝ ਹੌਲਾ ਕਰਨ ਲਈ 48 ਘੰਟਿਆਂ ਅੰਦਰ ਕੋਈ ਪਾਲਿਸੀ ਤਿਆਰ ਕਰਨ। ਸਿਨਹਾ ਨੇ ਕਿਹਾ ਕਿ ਬਚਪਨ ਦੀ ਮਾਸੂਮੀਅਤ ਰੱਬ ਵੱਲੋਂ ਦਿੱਤਾ ਤੋਹਫ਼ਾ ਹੈ ਤੇ ਇਹ ਦਿਨ ਆਨੰਦਮਈ, ਮਸਤੀ ਵਾਲੇ ਤੇ ਆਤਮਿਕ ਸੁਖ ਵਾਲੇ ਹੋਣੇ ਚਾਹੀਦੇ ਹਨ। ਕਾਬਿਲੇਗੌਰ ਹੈ ਕਿ ਛੇ ਸਾਲਾ ਦੀ ਬੱਚੀ ਨੇ 45 ਸਕਿੰਟਾਂ ਦੀ ਵੀਡੀਓ ਕਲਿੱਪ ਵਿੱਚ ਆਨਲਾਈਨ ਕਲਾਸਾਂ ਰਾਹੀਂ ਵਿਦਿਆਰਥੀਆਂ ਨੂੰ ਮਿਲਦੇ ਮਨਾਮੂਹੀ ਹੋਮਵਰਕ ਬਾਰੇ ਸ਼ਿਕਾਇਤ ਕੀਤੀ ਸੀ। ਵੀਡੀਓ ਵਿੱਚ ਇਹ ਬੱਚੀ ਆਖਦੀ ਹੈ ਕਿ ਉਹਦੀਆਂ ਕਲਾਸ ਸਵੇਰੇ 10 ਵਜੇ ਸ਼ੁਰੂ ਹੋ ਕੇ ਬਾਅਦ ਦੁਪਹਿਰ 2 ਵਜੇ ਤੱਕ ਚਲਦੀਆਂ ਹਨ। ਅੰਗਰੇਜ਼ੀ, ਗਣਿਤ, ਉਰਦੂ ਤੇ ਈਵੀਐੱਸ ਅਤੇ ਮਗਰੋਂ ਕੰਪਿਊਟਰ ਦੀ ਵੀ ਕਲਾਸ ਹੁੰਦੀ ਹੈ। ਛੋਟੇ ਬੱਚੋਂ ਕੋ ਇਤਨਾ ਕਾਮ ਕਿਉਂ ਦੇਤੇ ਹੋ ਮੋਦੀ ਸਾਬ? ਜਿਹੜੇ ਬੱਚੇ ਵੱਡੇ ਹਨ ਤੇ 7ਵੀਂ ਤੇ 8ਵੀਂ ਵਿੱਚ ਪੜ੍ਹਦੇ ਹਨ, ਉਨ੍ਹਾਂ ਨੂੰ ਵਾਧੂ ਹੋਮਵਰਕ ਦਿੱਤਾ ਜਾਵੇ।’ ਟਵਿੱਟਰ ਦੇ ਬੱਚੀ ਦੇ ਇਸ ਵੀਡੀਓ ਨੂੰ ਇੰਟਰਨੈੱਟ ਦਾ ਸਭ ਤੋਂ ਕਿਊਟ (ਸੋਹਣਾ) ਵੀਡੀਓ ਦੱਸਿਆ ਹੈ।
ਸਬੰਧਿਤ ਖ਼ਬਰਾਂ
