ਭੋਪਾਲ, 11 ਨਵੰਬਰ
ਮੱਧ ਪ੍ਰਦੇਸ਼ ਦੇ ਸਾਬਕਾ ਮੁੱਖ ਮੰਤਰੀ ਤੇ ਸੀਨੀਅਰ ਕਾਂਗਰਸੀ ਆਗੂ ਦਿਗਵਿਜੈ ਸਿੰਘ ਨੇ ਜੇਡੀਯੂ ਆਗੂ ਨਿਤੀਸ਼ ਕੁਮਾਰ ਨੂੰ ਅਪੀਲ ਕੀਤੀ ਹੈ ਕਿ ਉਹ ਐੱਨਡੀਏ ਛੱਡ ਕੇ ਤੇਜਸਵੀ ਯਾਦਵ ਨੂੰ ‘ਅਸ਼ੀਰਵਾਦ’ ਦੇਣ। ਸਿੰਘ ਨੇ ਲੜੀਵਾਰ ਟਵੀਟ ਕਰਦਿਆਂ ਕਿਹਾ, ‘ਭਾਜਪਾ ਨੇ ਕੂਟਨੀਤੀ ਨਾਲ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਦੇ ਕੱਦ/ਰੁਤਬੇ ਨੂੰ ਘਟਾਇਆ ਹੈ।’ ਸਿੰਘ ਨੇ ਕਿਹਾ, ਭਾਜਪਾ ਵਾਇਨ (ਅੰਗੂਰਾਂ ਦੀ ਵੇਲ) ਵਾਂਗ ਹੈ, ਜੋ ਹੋਰ ਰੁਖ਼ ਦਾ ਸਹਾਰਾ ਲੈ ਕੇ ਖੁ਼ਦ ਤਾਂ ਵੱਧ ਫੁੱਲ ਜਾਂਦੀ ਹੈ, ਪਰ ਉਸ ਰੁਖ਼ ਨੂੰ ਸੁਕਾ ਦਿੰਦੀ ਹੈ। ਭਾਜਪਾ-ਆਰਐੱਸਐੱਸ ਦੀ ਵਿਚਾਰਧਾਰਾ ਨੂੰ ਛੱਡੋ ਤੇ ਤੇਜਸਵੀ ਨੂੰ ਅਸ਼ੀਰਵਾਦ ਦਿਉ। ਭਾਜਪਾ ਵਰਗੀ ਵੇਲ ਨੂੰ ਬਿਹਾਰ ’ਚ ਵਧਣ ਫੁਲਣ ਨਾ ਦਿਉ।’
