ਜੈਪੁਰ: ਰਾਜਸਥਾਨ ਦੇ ਅਤਿਵਾਦ ਵਿਰੋਧੀ ਦਸਤੇ (ਏਟੀਐੱਸ) ਨੇ ਇਕ ਕੱਟੜਵਾਦੀ ਸੰਗਠਨ ਨਾਲ ਜੁੜੇ ਤਿੰਨ ਹੋਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਇਸ ਕੱਟੜ ਇਕਾਈ ਦਾ 30 ਮਾਰਚ ਨੂੰ ਪਰਦਾਫਾਸ਼ ਕੀਤਾ ਗਿਆ ਸੀ। ਮਾਮਲੇ ਦੀ ਜਾਂਚ ਲਈ ‘ਸਿਟ’ ਦਾ ਗਠਨ ਕੀਤਾ ਗਿਆ ਸੀ। ਇਸ ਤੋਂ ਪਹਿਲਾਂ ਏਟੀਐੱਸ ਨੇ ਅਲ ਸੂਫਾ ਨਾਲ ਜੁੜੇ ਤਿੰਨ ਜਣਿਆਂ ਨੂੰ ਚਿਤੌੜਗੜ੍ਹ ਨੇੜਿਓਂ ਗ੍ਰਿਫ਼ਤਾਰ ਕੀਤਾ ਸੀ। ਇਨ੍ਹਾਂ ਕੋਲੋਂ 12 ਕਿਲੋਗ੍ਰਾਮ ਧਮਾਕਾਖੇਜ਼ ਸਮੱਗਰੀ ਬਰਾਮਦ ਕੀਤੀ ਗਈ ਸੀ। ਪੁੱਛਗਿੱਛ ਵਿਚ ਸਾਹਮਣੇ ਆਇਆ ਸੀ ਕਿ ਇਨ੍ਹਾਂ ਇਹ ਸਮੱਗਰੀ ਜੈਪੁਰ ਨੇੜੇ ਕਿਸੇ ਨੂੰ ਸੌਂਪਣੀ ਸੀ ਤੇ ਗ੍ਰਿਫ਼ਤਾਰ ਵਿਅਕਤੀਆਂ ਦਾ ਸਬੰਧ ਰਤਲਾਮ (ਮੱਧ ਪ੍ਰਦੇਸ਼) ਦੇ ਕੱਟੜਵਾਦੀ ਸੰਗਠਨ ਨਾਲ ਹੈ। -ਪੀਟੀਆਈ
ਸਬੰਧਿਤ ਖ਼ਬਰਾਂ
