ਪੰਜਾਬੀ ਟ੍ਰਿਬਿਊਨ ਵੈੱਬ ਡੈਸਕ
ਸ੍ਰੀਨਗਰ, 17 ਜੁਲਾਈ
ਬੌਲੀਵੁੱਡ ਅਭਿਨੇਤਾ ਰਣਬੀਰ ਕਪੂਰ ਦੇ ਹਮਸ਼ਕਲ ਕਸ਼ਮੀਰੀ ਮਾਡਲ ਜੁਨੈਦ ਸ਼ਾਹ ਦੀ ਦਿਲ ਦਾ ਦੌਰਾ ਪੈਣ ਨਾਲ ਮੌਤ ਹੋ ਗਈ। ਰਣਬੀਰ ਕਪੂਰ ਜਿਹੇ ਲੱਗਦੇ ਜੁਨੈਦ ਕਾਫ਼ੀ ਮਸ਼ਹੂਰ ਸੀ। ਬੌਲੀਵੁੱਡ ਦੇ ਅਦਾਕਾਰ ਮਰਹੂਮ ਰਿਸ਼ੀ ਕਪੂਰ ਦੇ ਮਾਈਕ੍ਰੋ ਬਲੌਗਿੰਗ ਵੈੱਬਸਾਈਟ ‘ਤੇ ਜੁਨੈਦਾ ਜ਼ਿਕਰ ਕੀਤਾ ਸੀ ਤੇ ਉਸ ਤੋਂ ਬਾਅਦ ਉਸ ਦੀ ਪ੍ਰਸਿੱਧੀ ਵੱਧ ਗਈ ਸੀ। ਰਣਬੀਰ ਦਾ ਹਮਸ਼ਕਲ ਇਹ ਨੌਜਵਾਨ 2014 ਵਿੱਚ ਸੋਸ਼ਲ ਮੀਡੀਆ ਸਟਾਰ ਬਣ ਗਿਆ, ਜਿਸ ਤੋਂ ਬਾਅਦ ਉਸ ਨੂੰ ਮੁੰਬਈ ਵਿੱਚ ਮਾਡਲਿੰਗ ਦਾ ਕੰਮ ਮਿਲਣਾ ਸ਼ੁਰੂ ਹੋਇਆ। ਉਸ ਦੀ ਮੌਤ ਦੀ ਖ਼ਬਰ ਉਸ ਦੇ ਰਿਸ਼ਤੇਦਾਰਾਂ ਅਤੇ ਦੋਸਤਾਂ ਨੇ ਸੋਸ਼ਲ ਮੀਡੀਆ ਉੱਤੇ ਸਾਂਝੀ ਕੀਤੀ। ਉਨ੍ਹਾਂ ਖੁਲਾਸਾ ਕੀਤਾ ਕਿ ਸ਼ਾਹ ਨੇ ਸ੍ਰੀਨਗਰ ਦੇ ਇਲਾਹੀ ਬਾਗ ਸਥਿਤ ਆਪਣੀ ਰਿਹਾਇਸ਼ ‘ਤੇ ਆਖਰੀ ਸਾਹ ਲਿਆ। ਰਿਸ਼ੀ ਕਪੂਰ ਨੇ ਟਵੀਟ ਕੀਤਾ ਸੀ- ‘ਓ ਮਾਈ ਗੌਡ … ਮੇਰੇ ਆਪਣੇ ਪੁੱਤ ਦਾ ਹਮਸ਼ਕਲ। ਐਨੀ ਸ਼ਕਲ ਮਿਲਦੀ ਹੈ ਕਿ … ਮੈਂ ਵੀ ਨਹੀਂ ਪਛਾਣਿਆ।’
