ਸੁਰਾਜਪੁਰ (ਛੱਤੀਸਗੜ੍ਹ), 10 ਨਵੰਬਰ
ਛੱਤੀਸਗੜ੍ਹ ਦੇ ਸੁਰਾਜਪੁਰ ਜ਼ਿਲ੍ਹੇ ’ਚ ਜੰਗਲੀ ਹਾਥੀਆਂ ਦੇ ਝੁੰਡ ਵੱਲੋਂ ਕੀਤੇ ਗਏ ਹਮਲੇ ’ਚ ਭੈਣ ਅਤੇ ਭਰਾ ਦੀ ਮੌਤ ਹੋ ਗਈ। ਇਹ ਘਟਨਾ ਰਾਮਾਨੁਜਨਗਰ ਜੰਗਲਾਤ ਵਿਭਾਗ ਅਧੀਨ ਆਉਂਦੇ ਪਿੰਡ ਮਹੇਸ਼ਪੁਰ ਨੇੜੇ ਟੌਂਗਟੀਆ ਪਹਾੜੀ ’ਤੇ ਸ਼ਨਿਚਰਵਾਰ ਰਾਤ ਵਾਪਰੀ। ਜੰਗਲਾਤ ਵਿਭਾਗ ਦੇ ਇਕ ਅਧਿਕਾਰੀ ਨੇ ਕਿਹਾ ਕਿ ਦੋਵੇਂ ਬੱਚੇ ਦੀਸ਼ੂ (11) ਅਤੇ ਉਸ ਦੀ ਭੈਣ ਕਾਜਲ (5) ਪਾਂਡੋ ਕਬੀਲੇ ਨਾਲ ਸਬੰਧਤ ਸਨ। ਮੁੱਢਲੀ ਜਾਣਕਾਰੀ ਮੁਤਾਬਕ 11 ਹਾਥੀਆਂ ਦੇ ਝੁੰਡ ਨੇ ਪਹਾੜੀ ’ਤੇ ਇਕ ਝੌਂਪੜੀ ਉਪਰ ਹਮਲਾ ਕਰ ਦਿੱਤਾ। ਦੋਵੇਂ ਬੱਚਿਆਂ ਦੇ ਮਾਪੇ ਹਾਥੀਆਂ ਦੇ ਹਮਲੇ ’ਚ ਬੱਚਣ ’ਚ ਕਾਮਯਾਬ ਰਹੇ ਜਦਕਿ ਬੱਚਿਆਂ ਨੂੰ ਉਨ੍ਹਾਂ ਦਰੜ ਦਿੱਤਾ। ਹਾਥੀਆਂ ਦੇ ਹਮਲੇ ਮਗਰੋਂ ਚਾਰ ਹੋਰ ਝੌਂਪੜੀਆਂ ਨੂੰ ਖਾਲੀ ਕਰਵਾ ਕੇ ਲੋਕਾਂ ਨੂੰ ਪ੍ਰੇਮਨਗਰ ’ਚ ਤਬਦੀਲ ਕੀਤਾ ਗਿਆ ਹੈ। -ਪੀਟੀਆਈ
