ਮੁੰਬਈ, 24 ਅਗਸਤ
ਬੌਲੀਵੁੱਡ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਦੇ ਮਾਮਲੇ ਦੀ ਜਾਂਚ ਕਰ ਰਹੀ ਸੀਬੀਆਈ ਅਧਿਕਾਰੀਆਂ ਵੱਲੋਂ ਅੱਜ ਮੁੰਬਈ ਦੇ ਇੱਕ ਰਿਜ਼ੌਰਟ ਦਾ ਦੌਰਾ ਕੀਤਾ ਗਿਆ। ਸੀਬੀਆਈ ਦੀ ਜਾਂਚ ਟੀਮ ਵੱਲੋਂ ਇੱਥੇ ਡੀਆਰਡੀਓ ਗੈਸਟ ਹਾਊਸ, ਜਿੱਥੇ ਜਾਂਚ ਟੀਮ ਠਹਿਰੀ ਹੋਈ ਹੈ, ’ਚ ਸੁਸ਼ਾਂਤ ਦੇ ਦੋਸਤ ਅਤੇ ਰਸੋਈਏ ਤੋਂ ਵੀ ਪੁੱਛਗਿੱਛ ਕੀਤੀ ਗਈ। ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਸੁਸ਼ਾਂਤ ਰਾਜਪੂਤ ਦੇ ਅਕਾਊਂਟੈਂਟ ਰਜਤ ਮੇਵਾਤੀ ਨੂੰ ਵੀ ਅੱਜ ਸ਼ਾਂਤਾਕਰੂਜ ਦੇ ਕਾਲਿਨਾ ’ਚ ਡੀਆਰਡੀਓ ਗੈਸਟ ਹਾਊਸ ਵਿੱਚ ਪੁੱਛਗਿੱਛ ਲਈ ਸੱਦਿਆ ਗਿਆ ਸੀ। ਅਧਿਕਾਰੀ ਮੁਤਾਬਕ ਸੀਬੀਆਈ ਟੀਮ ਅੱਜ ਮੁੰਬਈ ਦੇ ਇਲਾਕੇ ਅੰਧੇਰੀ ਵਿੱਚ ਵਾਟਰਸਟੋਨ ਰਿਜ਼ੌਰਟ, ਜਿੱਥੇ ਸੁਸ਼ਾਂਤ ਨੇ ਲੱਗਪਗ ਦੋ ਮਹੀਨੇ ਰਿਹਾ ਸੀ, ਪੁਹੰਚੀ ਅਤੇ ਉਸਦੀ ਮੌਤ ਦੇ ਸਬੰਧ ’ਚ ਰਿਜ਼ੌਰਟ ਦੇ ਸਟਾਫ਼ ਤੋਂ ਪੁੱਛਗਿੱਛ ਕੀਤੀ। ਜਾਂਚ ਟੀਮ ਐਤਵਾਰ ਨੂੰ ਵੀ ਰਿਜ਼ੌਰਟ ’ਚ ਗਈ ਸੀ ਪਰ ਉੱਥੇ ਸਟਾਫ਼ ਹਾਜ਼ਰ ਨਾ ਹੋਣ ਕਾਰਨ ਪਰਤ ਆਈ। -ਪੀਟੀਆਈ
