ਜੰਮੂ: ਬਾਰਡਰ ਸੁਰੱਖਿਆ ਫੋਰਸ (ਬੀਐਸਐਫ) ਦੇ ਜਵਾਨਾਂ ਨੇ ਜੰਮੂ ਕਸ਼ਮੀਰ ਦੇ ਪੁਣਛ ਜ਼ਿਲ੍ਹੇ ਵਿਚ ਲਾਈਨ ਆਫ ਕੰਟਰੋਲ ਦੇ ਨੇੜੇ ਵਿਛਾਈ ਬਾਰੂਦੀ ਸੁਰੰਗ ਨੂੰ ਲੱਭ ਕੇ ਨਕਾਰਾ ਕਰ ਦਿੱਤਾ। ਬੀਐਸਐਫ ਦੇ ਸੂਤਰਾਂ ਅਨੁਸਾਰ ਬੀਐਸਐਫ ਦੇ ਜਵਾਨ ਸਨਿੱਫਰ ਡੌਗ ਨਾਲ ਐਲਓਸੀ ਨੇੜੇ ਗਸ਼ਤ ਕਰ ਰਹੇ ਹਨ। ਇਸ ਦੌਰਾਨ ਸਨਿੱਫਰ ਡੌਗ ‘ਜੂਲੀਅਟ’ ਨੇ ਜ਼ਮੀਨ ਹੇਠ ਬਾਰੂਦੀ ਸੁਰੰਗ ਹੋਣ ਦਾ ਸੰਕੇਤ ਦਿੱਤਾ। ਇਸ ਥਾਂ ਨੇੜੇ ਤੁਰੰਤ ਘੇਰਾਬੰਦੀ ਕਰ ਦਿੱਤੀ ਗਈ ਅਤੇ ਬਾਰੂਦੀ ਸੁਰੰਗ ਲੱਭਣ ਲਈ ਵਿਸ਼ੇਸ਼ ਅਪਰੇਸ਼ਨ ਚਲਾਇਆ ਗਿਆ। ਉਨ੍ਹਾਂ ਕਿਹਾ ਕਿ ਅਤਿਵਾਦੀ ਇਸ ਨਾਲ ਸਰਹੱਦ ਨੇੜੇ ਗਸ਼ਤ ਕਰਨ ਵਾਲੇ ਜਵਾਨਾਂ ਨੂੰ ਨਿਸ਼ਾਨਾ ਬਣਾਉਣ ਦੀ ਤਾਕ ਵਿਚ ਸਨ। -ਆਈਏਐਨਐਸ
ਸਬੰਧਿਤ ਖ਼ਬਰਾਂ
