ਚੇਨੱਈ, 21 ਅਕਤੂਬਰ
ਭਾਰਤੀ ਜਲ ਸੈਨਾ ਨੇ ਅੱਜ ਪਾਕ ਦੀ ਖਾੜੀ ’ਚ ਇੱਕ ਸ਼ੱਕੀ ਬੇੜੀ ਫੜੀ ਹੈ। ਭਾਰਤੀ ਜਲ ਸੈਨਾ ਦੇ ਜਹਾਜ਼ ਨੇ ਅੱਜ ਤੜਕੇ ਭਾਰਤ-ਸ੍ਰੀਲੰਕਾ ਕੌਮਾਂਤਰੀ ਸਮੁੰਦਰੀ ਸਰਹੱਦੀ ਲਾਈਨ (ਆਈਐੱਮਬੀਐੱਲ) ਨੇੜੇ ਪਾਕ ਦੀ ਖਾੜੀ ’ਚ ਗਸ਼ਤ ਦੌਰਾਨ ਇੱਕ ਬੇੜੀ ਦੇਖੀ ਸੀ। ਰੱਖਿਆ ਵਿਭਾਗ ਦੇ ਲੋਕ ਸੰਪਰਕ ਅਧਿਕਾਰੀ ਨੇ ਟਵਿੱਟਰ ’ਤੇ ਦੱਸਿਆ, ‘ਵਾਰ ਵਾਰ ਚਿਤਾਵਨੀ ਦੇਣ ਦੇ ਬਾਵਜੂਦ ਜਦੋਂ ਬੇੜੀ ਨਾ ਰੁਕੀ ਤਾਂ (ਜਲ ਸੈਨਾ ਦੇ) ਜਹਾਜ਼ ਨੇ ਨਿਰਧਾਰਤ ਪ੍ਰਕਿਰਿਆ ਤਹਿਤ ਬੇੜੀ ਰੋਕਣ ਲਈ ਗੋਲੀਬਾਰੀ ਕੀਤੀ। ਸ਼ੱਕੀ ਬੇੜੀ ’ਚ ਸਵਾਰ ਚਾਲਕ ਟੀਮ ਦੇ ਮੈਂਬਰਾਂ ’ਚੋਂ ਇੱਕ ਦੇ ਜ਼ਖ਼ਮੀ ਹੋਣ ਦੀ ਸੂਚਨਾ ਮਿਲੀ ਹੈ।’ ਉਨ੍ਹਾਂ ਦੱਸਿਆ ਕਿ ਜ਼ਖ਼ਮੀ ਵਿਅਕਤੀ ਨੂੰ ਜਹਾਜ਼ ’ਤੇ ਮੁੱਢਲੀ ਸਹਾਇਤਾ ਦਿੱਤੀ ਗਈ ਤੇ ਰਾਮਨਾਡ ਦੇ ਆਈਐੱਨਐੱਸ ਪਰਾਂਡੂ ਪਹੁੰਚਾਇਆ ਗਿਆ। -ਪੀਟੀਆਈ
