ਸਿੰਗਾਪੁਰ, 27 ਜੂਨ
ਇਸ ਸਾਲ ਦੀ ਸ਼ੁਰੂਆਤ ’ਚ ਬਿਨਾਂ ਇਜਾਜ਼ਤ ਦੇ ਫ਼ਲਸਤੀਨ ਦੀ ਹਮਾਇਤ ਲਈ ਰਾਸ਼ਟਰਪਤੀ ਭਵਨ ’ਚ ਪੱਤਰ ਪਹੁੰਚਾਉਣ ਵਾਲੇ 70 ਲੋਕਾਂ ਦੀ ਰੈਲੀ ਦੀ ਅਗਵਾਈ ਕਰਨ ਵਾਲੀ ਇੱਕ ਭਾਰਤੀ ਮੂਲ ਦੀ ਕਾਰਕੁਨ ਸਣੇ ਤਿੰਨ ਸਿੰਗਾਪੁਰੀ ਮਹਿਲਾਵਾਂ ਨੂੰ ਅੱਜ ਅਦਾਲਤ ’ਚ ਪੇਸ਼ ਕੀਤਾ ਗਿਆ ਹੈ। ਇਨ੍ਹਾਂ ਮਹਿਲਾਵਾਂ ਦੀ ਪਛਾਣ ਅੰਨਾਮਲਾਈ ਕੋਕਿਲਾ ਪਾਰਵਤੀ (35), ਸਿਤੀ ਅਮੀਰਾਹ ਮੁਹੰਮਦ ਅਸਰੋਰੀ (29) ਤੇ ਮੋਸੰਮਦ ਸੋਬੀਕੁਨ ਨਾਹਰ (25) ਵਜੋਂ ਹੋਈ ਹੈ। ਮੀਡੀਆ ਰਿਪੋਰਟਾਂ ਅਨੁਸਾਰ ਸਾਰਿਆਂ ਖ਼ਿਲਾਫ਼ 2 ਫਰਵਰੀ ਨੂੰ ਪਾਬੰਦੀਸ਼ੁਦਾ ਇਸਤਾਨਾ ਇਲਾਕੇ ’ਚ ਬਿਨਾਂ ਇਜਾਜ਼ਤ ਦੇ ਰੈਲੀ ਕਰਨ ਲਈ ਜਨਤਕ ਪ੍ਰਬੰਧਨ ਐਕਟ ਤਹਿਤ ਦੋਸ਼ ਲਾਏ ਗਏ ਸਨ। -ਪੀਟੀਆਈ