ਨਿਊਯਾਰਕ: ਤੁਰਕਿਸ਼ ਏਅਰਲਾਈਨ ਦੇ ਸਿਆਟਲ ਤੋਂ ਇਸਤਾਂਬੁਲ ਜਾ ਰਹੇ ਜੈੱਟ ਜਹਾਜ਼ ਦੇ ਪਾਇਲਟ ਦੀ ਮੌਤ ਮਗਰੋਂ ਇਸ ਉਡਾਣ ਨੂੰ ਅੱਜ ਹੰਗਾਮੀ ਹਾਲਤ ’ਚ ਨਿਊਯਾਰਕ ’ਚ ਹਵਾਈ ਅੱਡੇ ’ਤੇ ਉਤਾਰਨਾ ਪਿਆ। ਤੁਰਕਿਸ਼ ਏਅਰਲਾਈਨ ਦੇ ਤਰਜਮਾਨ ਨੇ ਕਿਹਾ ਕਿ ਮੰਗਲਵਾਰ ਰਾਤ ਸਿਆਟਲ ਤੋਂ ਉਡਾਣ ਨੰਬਰ ਟੀਕੇ204 ਦੇ ਰਵਾਨਾ ਹੋਣ ਮਗਰੋਂ ਪਾਇਲਟ ਇਲਸੇਹਿਨ ਪੇਹਲਿਵਨ (59) ਅਚਾਨਕ ਬੇਹੋਸ਼ ਹੋ ਗਿਆ। ਚਾਲਕ ਅਮਲੇ ਦੇ ਮੈਂਬਰਾਂ ਨੇ ਐਮਰਜੈਂਸੀ ਲੈਂਡਿੰਗ ਦੇ ਫ਼ੈਸਲਾ ਲਿਆ ਹੈ ਅਤੇ ਪਾਇਲਟ ਪੇਹਲਿਵਨ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਜਹਾਜ਼ ਦੇ ਉੱਤਰਨ ਤੋਂ ਪਹਿਲਾਂ ਹੀ ਉਸ ਦੀ ਮੌਤ ਹੋ ਗਈ। ਉਹ 2007 ਤੋਂ ਇਸ ਏਅਰਲਾਈਨ ’ਚ ਕੰਮ ਰਿਹਾ ਸੀ। -ਏਪੀ
ਸਬੰਧਿਤ ਖ਼ਬਰਾਂ
