ਦੇਹਰਾਦੂਨ (ਉਤਰਾਖੰਡ), 14 ਫਰਵਰੀ
ਉਤਰਾਖੰਡ ਦੇ ਚਮੋਲੀ ਜ਼ਿਲ੍ਹੇ ਵਿਚ ਤਪੋਵਨ ਸੁਰੰਗ ਵਿਚੋਂ ਐਤਵਾਰ 12 ਲਾਸ਼ਾਂ ਬਰਾਮਦ ਹੋਈਆਂ। ਚਮੋਲੀ ਦੀ ਜ਼ਿਲ੍ਹਾ ਮੈਜਿਸਟਰੇਟ ਸਵਾਤੀ ਭਦੋੜੀਆ ਨੇ ਦੱਸਿਆ ਕਿ ਸਵੇਰ ਦੇ ਸਮੇਂ ਸੁਰੰਗ ਦੇ ਅੰਦਰੋਂ 12 ਲਾਸ਼ਾਂ ਬਰਾਮਦ ਹੋਈਆਂ ਹਨ। ਉਨ੍ਹਾਂ ਕਿਹਾ ਕਿ ਲਾਸ਼ਾਂ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਚਮੋਲੀ ਦੀ ਰਿਸ਼ੀਗੰਗਾ ਘਾਟੀ ਵਿੱਚ 7 ਫਰਵਰੀ ਨੂੰ ਆਏ ਹੜ੍ਹਾਂ ਵਿੱਚ ਮਾਰੇ 50 ਲੋਕਾਂ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ, ਜਦੋਂਕਿ 154 ਹੋਰ ਅਜੇ ਵੀ ਲਾਪਤਾ ਹਨ। ਇਨ੍ਹਾਂ ਲਾਪਤਾ ਲੋਕਾਂ ਵਿੱਚ ਤਪੋਵਨ ਸੁਰੰਗ ਵਿੱਚ ਫਸੇ 25 ਤੋਂ 35 ਉਹ ਲੋਕ ਵੀ ਸ਼ਾਮਲ ਹਨ ਜੋ ਹੜ ਵੇਲੇ ਉਥੇ ਕੰਮ ਕਰ ਰਹੇ ਸਨ।
