ਮੁੰਬਈ, 28 ਫਰਵਰੀ
ਸ਼ਿਵ ਸੈਨਾ ਨੇਤਾ ਸੰਜੇ ਰਾਉਤ ਨੇ ਐਤਵਾਰ ਨੂੰ ਸਵਾਲ ਕੀਤਾ ਕਿ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਮੌਤ ਬਾਰੇ ਹੰਗਾਮਾ ਕਰਨ ਵਾਲੇ ਲੋਕ ਦਾਦਰ ਅਤੇ ਨਗਰ ਹਵੇਲੀ ਦੇ ਸੰਸਦ ਮੈਂਬਰ ਮੋਹਨ ਦੇਲਕਰ ਦੀ ਭੇਦਭਰੀ ਮੌਤ ਬਾਰੇ ਚੁੱਪ ਕਿਉਂ ਹਨ। ਕੇਂਦਰ ਸ਼ਾਸਤ ਪ੍ਰਦੇਸ਼ ਤੋਂ 58 ਸਾਲਾ ਆਜ਼ਾਦ ਸੰਸਦ ਮੈਂਬਰ ਦੇਲਕਰ 22 ਫਰਵਰੀ ਨੂੰ ਦੱਖਣੀ ਮੁੰਬਈ ਵਿਚਲੇ ਹੋਟਲ ਦੇ ਕਮਰੇ ਵਿੱਚ ਛੱਤ ਦੇ ਪੱਖੇ ਨਾਲ ਲਟਕਦੇ ਮਿਲੇ ਸਨ। ਪੁਲੀਸ ਅਨੁਸਾਰ ਗੁਜਰਾਤੀ ਵਿੱਚ ਸੁਸਾਈਡ ਨੋਟ ਵੀ ਮੌਕੇ ’ਤੇ ਮਿਲਿਆ। ਸ਼ਿਵ ਸੈਨਾ ਦੇ ਮੁੱਖ ਪੱਤਰ ‘ਸਾਮਨਾ’ ਵਿਚ ਆਪਣੇ ਹਫਤਾਵਾਰੀ ਕਾਲਮ ਵਿਚ ਰਾਉਤ ਨੇ ਕਿਹਾ ਕਿ ਅਭਿਨੇਤਾ ਦੀ ਆਤਮ ਹੱਤਿਆ ਅਤੇ ਅਭਿਨੇਤਰੀ ਦੁਆਰਾ ਨਾਜਾਇਜ਼ ਉਸਾਰੀ ਢਾਹੁਣ ਬਾਰੇ ਬੋਲਣ ਵਾਲੇ ਸੰਸਦ ਮੈਂਬਰ ਦੀ ਮੌਤ ਬਾਰੇ ਚੁੱਪ ਕਿਉਂ ਹਨ।
