ਤੇਜ਼ਪੁਰ, 29 ਅਗਸਤ
ਅਸਾਮ ਦੇ ਸੋਨਿਤਪੁਰ ਜ਼ਿਲ੍ਹੇ ਵਿੱਚ ਬ੍ਰਹਮਪੁੱਤਰ ਨਦੀ ’ਚ ਕਿਸ਼ਤੀ ਪਲਟਣ ਕਾਰਨ ਫ਼ੌਜ ਦਾ ਇੱਕ ਜਵਾਨ ਲਾਪਤਾ ਹੋ ਗਿਆ। ਰੱਖਿਆ ਵਿਭਾਗ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਐਤਵਾਰ ਸ਼ਾਮ ਨੂੰ ਫ਼ੌਜ ਦੇ ਤਿੰਨ ਜਵਾਨ ਸੋਲਮਾਰਾ ਇਲਾਕੇ ਵਿੱਚ ਕਿਸ਼ਤੀ ’ਚ ਜਾ ਰਹੇ ਸਨ ਕਿ ਅਚਾਨਕ ਕਿਸ਼ਤੀ ਪਲਟ ਗਈ। ਉਨ੍ਹਾਂ ਦੱਸਿਆ ਕਿ ਦੋ ਜਵਾਨ ਤਾਂ ਤੈਰ ਕੇ ਕੰਢੇ ’ਤੇ ਪਹੁੰਚ ਗਏ ਪਰ ਤੀਜਾ ਜਵਾਨ ਉਦੋਂ ਤੋਂ ਲਾਪਤਾ ਹੈ। ਅਧਿਕਾਰੀ ਨੇ ਦੱਸਿਆ ਕਿ ਨੈਸ਼ਨਲ ਡਿਜ਼ਾਸਟਰ ਰਿਸਪਾਂਸ ਫੋਰਸ ਦੇ ਜਵਾਨ ਉਸ ਦੀ ਭਾਲ ਕਰ ਰਹੇ ਹਨ। ਲਾਪਤਾ ਜਵਾਨ ਦੀ ਪਛਾਣ ਅਨਿਲ ਕੁਮਾਰ ਵਜੋਂ ਹੋਈ ਹੈ। ਉਹ ਇੱਥੇ ਗਜਰਾਜ ਕੋਰ ਵਿੱਚ ‘ਕਲਰਕ’ ਵਜੋਂ ਤਾਇਨਾਤ ਸੀ। -ਪੀਟੀਆਈ
