ਖੇਤਰੀ ਪ੍ਰਤੀਨਿਧ
ਪਟਿਆਲਾ, 14 ਜੁਲਾਈ
ਇੱਥੇ ਵਾਪਰੇ ਸੜਕ ਹਾਦਸੇ ਦੌਰਾਨ ਅੱਜ ਪੰਜ ਸਾਲਾ ਬੱਚੇ ਦੀ ਮੌਤ ਹੋ ਗਈ। ਉਹ ਰੋੜੀ ਕੁੱਟ ਮੁਹੱਲੇ ਦਾ ਰਹਿਣ ਵਾਲਾ ਸੀ ਤੇ ਇਹ ਹਾਦਸਾ ਵੀ ਇੱਥੇ ਹੀ ਵਾਪਰਿਆ। ਇੱਥੋਂ ਦੇ ਬਹੁਤੇ ਵਸਨੀਕ ਮਿਹਨਤ ਮਜ਼ਦੂਰੀ ਕਰਨ ਵਾਲ਼ੇ ਹੀ ਹਨ। ਕਾਰਤਿਕ ਵੀ ਅਜਿਹੇ ਹੀ ਪਰਿਵਾਰ ਦਾ ਬੱਚਾ ਸੀ। ਉਹ ਜਦੋਂ ਅੱਜ ਸਵੇਰੇ ਸੜਕ ’ਤੇ ਖੇਡ ਰਿਹਾ ਸੀ, ਤਾਂ ਇੱਥੋਂ ਦੀ ਲੰਘੀ ਥਾਰ ਜੀਪ ਦੀ ਲਪੇਟ ’ਚ ਆ ਗਿਆ। ਇਸ ਦੌਰਾਨ ਉਸ ਦੀ ਮੌਤ ਹੋ ਗਈ। ਘਟਨਾ ਦਾ ਪਤਾ ਲੱਗਣ ’ਤੇ ਕਾਰਤਿਕ ਦੀ ਮਾਤਾ ਦੇਵੀ ਸਮੇਤ ਇਲਾਕੇ ਦੇ ਹੋਰ ਨਾਗਰਿਕ ਵੀ ਇੱਥੇ ਵੱਡੀ ਗਿਣਤੀ ’ਚ ਇਕੱਤਰ ਹੋ ਗਏ ਸਨ। ਇਲਾਕੇ ਦੇ ਲੋਕਾਂ ਨੇ ਪੁਲੀਸ ਤੋਂ ਜੀਪ ਚਾਲਕ ਦੀ ਫੌਰੀ ਗ੍ਰਿਫਤਾਰੀ ਦੀ ਮੰਗ ਕੀਤੀ ਹੈ। ਇਸੇ ਦੌਰਾਨ ਪਤਾ ਲੱਗਿਆ ਹੈ ਕਿ ਪੁਲੀਸ ਨੇ ਜੀਪ ਤਾਂ ਬਰਾਮਦ ਕਰ ਲਈ ਹੈ ਪਰ ਜੀਪ ਚਾਲਕ ਦੀ ਅਜੇ ਤਲਾਸ਼ ਕੀਤੀ ਜਾ ਰਹੀ ਸੀ।
