25 ਸਤੰਬਰ ਨੂੰ ਨੰਬਰਦਾਰਾਂ ਦੀ ਜ਼ਿਲ੍ਹਾ ਮਾਲੇਰਕੋਟਲਾ ਬਾਡੀ ਦਾ ਹੋਵੇਗਾ ਗਠਨ
ਮੁਕੰਦ ਸਿੰਘ ਚੀਮਾ
ਸੰਦੌੜ, 18 ਸਤੰਬਰ
ਗੁਰਦੁਆਰਾ ਸਿੰਘ ਸਭਾ ਸੰਦੌੜ ਵਿਚ ਪੰਜਾਬ ਨੰਬਰਦਾਰ ਯੂਨੀਅਨ (643) ਨਾਲ ਸਬੰਧਿਤ ਨੰਬਰਦਾਰਾਂ ਦੀ ਮੀਟਿੰਗ ਯੂਨੀਅਨ ਦੇ ਸੂਬਾ ਮੀਤ ਪ੍ਰਧਾਨ ਭਗਵਾਨ ਸਿੰਘ ਮਾਣਕੀ ਦੀ ਅਗਵਾਈ ਹੇਠ ਹੋਈ। ਮੀਟਿੰਗ ਵਿਚ ਤਹਿਸੀਲ ਮਾਲੇਰਕੋਟਲਾ, ਅਮਰਗੜ੍ਹ ਅਤੇ ਅਹਿਮਦਗੜ੍ਹ ਨਾਲ ਸਬੰਧਿਤ ਨੰਬਰਦਾਰਾਂ ਨੇ ਭਾਗ ਲਿਆ। ਇਸ ਦੌਰਾਨ ਜ਼ਿਲ੍ਹਾ ਮਾਲੇਰਕੋਟਲਾ ਬਣਨ ਕਰ ਕੇ ਜ਼ਿਲ੍ਹੇ ਦੀ ਨਵੀਂ ਬਾਡੀ ਦੀ ਚੋਣ ਕਰਨ ਸਬੰਧੀ ਵਿਚਾਰ ਚਰਚਾ ਕੀਤੀ ਗਈ।
ਮੀਟਿੰਗ ਵਿਚ ਹਾਜ਼ਰ ਅਹੁਦੇਦਾਰਾਂ ਨੇ 25 ਸਤੰਬਰ ਨੂੰ ਗੁਰਦੁਆਰਾ ਸਿੰਘ ਸਭਾ ਮਾਲੇਰਕੋਟਲਾ ਵਿਚ ਜ਼ਿਲ੍ਹੇ ਦੀ ਨਵੀਂ ਇਕਾਈ ਦੇ ਗਠਨ ਸਬੰਧੀ ਮੀਟਿੰਗ ਬੁਲਾਉਣ ਦਾ ਫ਼ੈਸਲਾ ਕੀਤਾ। ਜ਼ਿਲ੍ਹਾ ਬਾਡੀ ਦਾ ਗਠਨ ਮੀਤ ਪ੍ਰਧਾਨ ਭਗਵਾਨ ਸਿੰਘ ਮਾਣਕੀ ਦੀ ਪ੍ਰਧਾਨਗੀ ਹੇਠ ਕੀਤਾ ਜਾਵੇਗਾ।
ਇਸ ਮੌਕੇ ਮੀਟਿੰਗ ਵਿਚ ਨੰਬਰਦਾਰ ਗੁਰਮੀਤ ਸਿੰਘ ਪ੍ਰਧਾਨ ਤਹਿਸੀਲ ਅਹਿਮਦਗੜ੍ਹ, ਮਲਕੀਤ ਸਿੰਘ ਸਲੇਮਪੁਰ ਪ੍ਰਧਾਨ ਤਹਿਸੀਲ ਅਮਰਗੜ੍ਹ, ਰਾਜ ਸਿੰਘ ਦੁਲਮਾਂ ਪ੍ਰਧਾਨ ਤਹਿਸੀਲ ਮਾਲੇਰਕੋਟਲਾ, ਚਮਕੌਰ ਸਿੰਘ ਕੰੰਗਣਵਾਲ, ਹਰਜਿੰਦਰ ਸਿੰਘ ਚੌਂਦਾ, ਸੁਰਿੰਦਰ ਸਿੰਘ ਸਲੇਮਪੁਰ, ਜਗਜੀਤ ਸਿੰਘ ਮਾਣਕੀ, ਮੇਜਰ ਸਿੰਘ ਅਕਬਰਪੁਰ ਛੰਨਾ, ਪਰਮਜੀਤ ਸਿੰਘ ਅਮਰਗੜ੍ਹ, ਦਰਸਨ ਸਿੰਘ ਖਟੜਾ, ਕੁਲਦੀਪ ਸਿੰਘ ਕਸਬਾ, ਜੰਗਦੀਨ ਬੇਗੋਵਾਲ, ਬਿੱਕਰ ਸਿੰਘ ਰਾਣਵਾ, ਜਤਿੰਦਰ ਸਿੰਘ ਨੱਥੁਮਾਜਰਾ, ਚਰਨਜੀਤ ਸਿੰਘ ਮਹੋਲੀ, ਹਰਜਿੰਦਰ ਸਿੰਘ ਸੰਦੌੜ, ਪ੍ਰਿਤਪਾਲ ਸਿੰਘ ਮਾਣਕੀ, ਸੁਖਦੇਵ ਸਿੰਘ ਕਲਿਆਣ, ਮੁਹੰਮਦ ਸਦੀਕ ਭੈਣੀ ਵੀ ਹਾਜ਼ਰ ਸਨ।
ਗੁਰਦੁਆਰਾ ਸਿੰਘ ਸਭਾ ਸੰਦੌੜ ਵਿਚ ਮੀਟਿੰਗ ਕਰਦੇ ਹੋਏ ਨੰਬਰਦਾਰ। -ਫੋਟੋ: ਚੀਮਾ
