ਗੁਰਨਾਮ ਸਿੰਘ ਅਕੀਦਾ
ਪਟਿਆਲਾ, 21 ਸਤੰਬਰ
ਹਿੰਦੀ ਭਾਸ਼ਾ ਸੰਮੇਲਨ ਦੀ ਤਰਫ਼ੋਂ ਰਤੀਆ (ਹਰਿਆਣਾ) ਦੇ ਉੱਘੇ ਸਿੱਖਿਆ ਸ਼ਾਸਤਰੀ ਅਤੇ ਸਾਹਿਤਕਾਰ ਅਮੀਰ ਚੰਦ ਬਜਾਜ ਦੀ ਪੁਸਤਕ ‘ਚੰਦ ਕਦਮ ਅਭੀ ਔਰ’ ਦਾ ਲੋਕ ਅਰਪਣ ਸਮਾਰੋਹ ਪਟਿਆਲਾ ਦੇ ਬੀਕਾਨੇਰ ਸਵੀਟਸ ਭੰਡਾਰ ਦੇ ਬੇਸਮੈਂਟ ਸੈਮੀਨਾਰ ਹਾਲ ਵਿੱਚ ਕਰਵਾਇਆ ਗਿਆ। ਪੰਜਾਬੀ ਸਭਾ ਮਾਸਕੋ (ਰੂਸ) ਤੋਂ ਪ੍ਰੋਗਰਾਮ ਵਿੱਚ ਵਿਸ਼ੇਸ਼ ਤੌਰ ’ਤੇ ਪਹੁੰਚੇ ਸੱਭਿਆਚਾਰ ਅਤੇ ਕਲਾ ਪ੍ਰੇਮੀ ਪ੍ਰਮੋਦ ਕੁਮਾਰ ਧੀਮਾਨ ਮੁੱਖ ਮਹਿਮਾਨ ਸਨ। ਸੰਮੇਲਨ ਦੇ ਸਰਪ੍ਰਸਤ ਪ੍ਰਸਿੱਧ ਸਮਾਜ ਸੇਵਕ, ਵਾਤਾਵਰਨ ਅਤੇ ਕਲਾ ਪ੍ਰੇਮੀ ਭਗਵਾਨ ਦਾਸ ਗੁਪਤਾ ਪ੍ਰਧਾਨ ਨਾਮਜ਼ਦ ਰੋਟਰੀ ਕਲੱਬ ਪਟਿਆਲਾ ਮਿੱਡ ਟਾਊਨ, ਨਰੇਸ਼ ਦੁੱਗਲ ਕੌਂਸਲਰ ਅਤੇ ਪ੍ਰਧਾਨ ਬਲਾਕ ਕਾਂਗਰਸ ਪਟਿਆਲਾ, ਡਾ. ਨਰਿੰਦਰ ਯਾਦਵ, ਪ੍ਰਧਾਨ ਅਖਿਲ ਭਾਰਤੀ ਕੇਂਦਰੀ ਵਿਦਿਆਲਿਆ ਸਿੱਖਿਅਕ ਸੰਘ, ਚੰਡੀਗੜ੍ਹ ਸ਼ਾਖਾ, ਆਈ.ਓ.ਐੱਲ.ਸੀ. ਦੇ ਸੰਸਥਾਪਕ ਅਨਿਲ ਕੁਮਾਰ ਭਾਰਤੀ, ਸ੍ਰੀ ਪੰਕਜ ਕੌਸ਼ਿਕ, ਪ੍ਰਿੰਸੀਪਲ ਡੀ.ਏ.ਵੀ ਸਕੂਲ ਚਨਾਰਥਲ ਕਲਾਂ ਅਤੇ ਸ੍ਰੀਮਤੀ ਰੀਟਾ ਰਾਜਹੰਸ ਅਤੇ ਮੈਨੇਜਰ ਸ੍ਰੀ ਅਮਿਤ ਕੁਮਾਰ ਸਰਦੂਲਗੜ੍ਹ ਵਿਸ਼ੇਸ਼ ਮਹਿਮਾਨ ਸਨ।
