ਸਰਬਜੀਤ ਸਿੰਘ ਭੰਗੂ
ਪਟਿਆਲਾ, 25 ਅਗਸਤ
ਮਾਰਕੀਟ ਕਮੇਟੀ ਪਟਿਆਲਾ ਦੇ ਵਾਈਸ ਚੇਅਰਮੈਨ ਗੁਰਮੁਖ ਸਿੰਘ ਨੂੰ ਇੱਥੇ ਸਨੌਰ ਰੋਡ ‘ਤੇ ਸਥਿਤ ਆਧੁਨਿਕ ਸਬਜ਼ੀ ਮੰਡੀ ਪਟਿਆਲਾ ਦਾ ਸਰਬਸੰਮਤੀ ਨਾਲ ਪ੍ਰਧਾਨ ਚੁਣਿਆ ਗਿਆ ਹੈ। ਇਸ ਚੋਣ ਮੀਟਿੰਗ ਦੌਰਾਨ ਸਬਜ਼ੀ ਮੰਡੀ ਦੇ ਸਮੂਹ ਆੜ੍ਹਤੀ ਮੌਜੂਦ ਸਨ, ਜਿਸ ਦੌਰਾਨ ਮੰਡੀ ਦੇ ਮੌਜੂਦਾ ਪ੍ਰਧਾਨ ਵਿਵੇਕ ਮਲਹੋਤਰਾ ਨੇ ਪ੍ਰਧਾਨਗੀ ਪਦ ਲਈ ਗੁਰਮੁਖ ਸਿੰਘ ਦਾ ਨਾਮ ਪੇਸ਼ ਕੀਤਾ, ਜਿਸ ਨੂੰ ਸਾਰਿਆਂ ਨੇ ਸਹਿਮਤੀ ਦਿੰਦਿਆਂ ਗੁਰਮੁਖ ਸਿੰਘ ਨੂੰ ਸਬਜ਼ੀ ਮੰਡੀ ਐਸੋਸੀਏਸ਼ਨ ਪਟਿਆਲਾ ਦਾ ਨਵਾਂ ਪ੍ਰਧਾਨ ਚੁਣ ਲਿਆ। ਇਸ ਦੌਰਾਨ ਸੀਟਿੰਗ ਪ੍ਰਧਾਨ ਵਿਵੇਕ ਮਲਹੋਤਰਾ ਨੂੰ ਸਬਜ਼ੀ ਮੰਡੀ ਐਸੋਸੀਏਸ਼ਨ ਦਾ ਚੇਅਰਮੈਨ ਥਾਪਿਆ ਗਿਆ। ਬਾਕੀ ਅਹੁਦੇਦਾਰ ਥਾਪਣ ਦਾ ਅਧਿਕਾਰ ਨਵੇਂ ਬਣੇ ਨੂੰ ਦਿੱਤੇ ਗਏ।
ਇਸ ਮੌਕੇ ਪੰਚਾਇਤ ਸਮਿਤੀ ਸਨੌਰ ਅਤੇ ਬਲਾਕ ਕਾਂਗਰਸ ਸਨੌਰ ਦੇ ਪ੍ਰਧਾਨ ਅਸ਼ਵਨੀ ਕੁਮਾਰ ਬੱਤਾ ਵੀ ਵਿਸ਼ੇਸ਼ ਤੌਰ ‘ਤੇ ਪੁੱਜੇ ਹੋਏ ਸਨ। ਇਸ ਤੋਂ ਇਲਾਵਾ ਇਸ ਮੌਕੇ ਯੂਥ ਕਾਂਗਰਸ ਪਟਿਆਲਾ ਦੇ ਪ੍ਰਧਾਨ ਅਨੁਜ ਖੋਸਲਾ, ਓਬੀਸੀ ਵਿੰਗ ਜ਼ਿਲ੍ਹਾ ਪਟਿਆਲਾ ਦੇ ਚੇਅਰਮੈਨ ਹਰਦੀਪ ਸਿੰਘ ਜੋਸ਼ਨ, ਕਾਂਗਰਸ ਦੇ ਜ਼ਿਲ੍ਹਾ ਜਨਰਲ ਸਕੱਤਰ ਗੁਰਮੀਤ ਸਿੰਘ ਬਾਵਾ ਸਮੇਤ ਅਮਰੀਕ ਸਿੰਘ, ਰਾਜ ਕੁਮਾਰ ਖੋਸਲਾ, ਬਲਦੇਵ ਸਿੰਘ, ਤਰਨਜੀਤ ਭਾਟੀਆ, ਜਸਵੀਰ ਸਿੰਘ, ਤਾਰਾ ਸਿੰਘ, ਸੰਨੀ ਮਲਹੋਤਰਾ, ਤਰਸੇਮ, ਯੁਗੇਸ਼, ਲਖਵਿੰਦਰ ਸਿੰਘ, ਚਰਨਜੀਤ ਸਿੰਘ ਸਰਪੰਚ, ਸੁਖਦੇਵ ਸਿੰਘ ਭੋਲਾ, ਰਾਜਿੰਦਰ ਸਿੰਘ, ਗੁਰਜੀਤ ਸਿੰਘ, ਪਵਨ ਗੋਇਲ, ਦਵਿੰਦਰ ਸਿੰਘ ਬਾਂਗਾ ਰਿੰਕੂ ਬਾਂਗਾ, ਸਤੀਸ਼ ਸਤੀਸ਼, ਰਾਜੂ ਢੋਟ, ਰਾਮਾ ਸਿੰਗਲਾ, ਅਮਰੀਕ ਸਿੰਘ, ਪਵਨਪ੍ਰੀਤ ਸਿੰਘ, ਸੁਰੇਸ਼ ਸਿੰਗਲਾ ਤੇ ਰਾਜ ਕੁਮਾਰ ਪਤਵੰਤੇ ਅਤੇ ਆੜ੍ਹਤੀ ਮੌਜੂਦ ਸਨ।
