ਨਿੱਜੀ ਪੱਤਰ ਪ੍ਰੇਰਕ
ਰਾਜਪੁਰਾ, 30 ਜਨਵਰੀ
ਆਮ ਆਦਮੀ ਪਾਰਟੀ ਦੀ ਸਥਾਨਕ ਇਕਾਈ ਵੱਲੋਂ ਨਗਰ ਕੌਂਸਲ ਚੋਣਾਂ ਸਬੰਧੀ ਉਮੀਦਵਾਰਾਂ ਦੀ ਦੂਜੀ ਲਿਸਟ ਜਾਰੀ ਕੀਤੀ ਗਈ, ਜਿਸ ਵਿਚ 8 ਉਮੀਦਵਾਰਾਂ ਦੇ ਨਾਵਾਂ ਦਾ ਐਲਾਨ ਕੀਤਾ ਗਿਆ ਹੈ। ਹਾਲਾਂਕਿ 31 ਵਾਰਡਾਂ ਵਿਚੋਂ ਅਜੇ ਵੀ 3 ਵਾਰਡ ਖਾਲੀ ਛੱਡੇ ਗਏ ਹਨ। ਸੂਤਰਾਂ ਅਨੁਸਾਰ ਵਾਰਡ-6 ਜਿਸ ਵਿਚ ਕਾਂਗਰਸ ਵੱਲੋਂ ਸੁਸ਼ੀਲ ਕੁਮਾਰ ਸ਼ਾਹੀ ਨੂੰ, ਵਾਰਡ-19 ਤੋਂ ਰੂਬੀ ਅਤੇ ਵਾਰਡ-26 ਤੋਂ ਅਮਨਦੀਪ ਸਿੰਘ ਨਾਗੀ ਨੂੰ ਉਤਾਰਿਆ ਗਿਆ ਹੈ, ਵਿਚ ‘ਆਪ’ ਪਾਰਟੀ ਨੂੰ ਉਮੀਦਵਾਰ ਹੀ ਨਹੀਂ ਮਿਲ ਰਹੇ ਹਨ। ਇਸ ਮੌਕੇ ਜ਼ਿਲ੍ਹਾ ਚੋਣ ਕਮੇਟੀ ਮੈਂਬਰ ਗੁਰਪ੍ਰੀਤ ਸਿੰਘ ਧਮੋਲੀ ਅਤੇ ਦੀਪਕ ਸੂਦ ਨੇ ਦੱਸਿਆ ਕਿ ਜ਼ਿਲ੍ਹਾ ਚੋਣ ਕਮੇਟੀ ਵੱਲੋਂ ਪਾਰਟੀ ਹਾਈ ਕਮਾਂਡ ਨੂੰ ਉਮੀਦਵਾਰਾਂ ਦੇ ਨਾਮ ਭੇਜੇ ਗਏ ਸਨ ਅਤੇ ਅੱਜ 8 ਹੋਰ ਉਮੀਦਵਾਰ ਮੈਦਾਨ ਵਿਚ ਉਤਾਰੇ ਗਏ ਹਨ। ਉਨ੍ਹਾਂ ਦੱਸਿਆ ਕਿ ਵਾਰਡ-4 ਤੋਂ ਅਮਿਤ ਕੁਮਾਰ, ਵਾਰਡ-5 ਤੋਂ ਸ਼ੋਭਾ, ਵਾਰਡ-7 ਤੋਂ ਆਰਤੀ ਰਾਣੀ, ਵਾਰਡ-14 ਤੋਂ ਕੁਲਜੀਤ ਸਿੰਘ, ਵਾਰਡ-16 ਤੋਂ ਮੁਨੀਸ਼ ਕੁਮਾਰ ਬੱਤਰਾ, ਵਾਰਡ-21 ਤੋਂ ਦਵਿੰਦਰ ਕੌਰ, ਵਾਰਡ-28 ਤੋਂ ਦੀਪਕ ਕੁਮਾਰ ਅਤੇ ਵਾਰਡ-31 ਤੋਂ ਭੁਪਿੰਦਰ ਕੌਰ ਨੂੰ ਪਾਰਟੀ ਦੀ ਟਿਕਟ ਦਿੱਤੀ ਗਈ ਹੈ।
