ਖੇਤਰੀ ਪ੍ਰਤੀਨਿਧ
ਪਟਿਆਲਾ, 10 ਜੂਨ
ਦਿੱਲੀ ਮੋਰਚੇ ਤੋਂ ਪਰਤੇ ਨੇੜਲੇ ਪਿੰਡ ਬਰਸਟ ਦੇ ਕਿਸਾਨ ਦਰਸ਼ਨ ਸਿੰਘ (60) ਪੁੱਤਰ ਭਗਤ ਸਿੰਘ ਮੌਤ ਹੋ ਗਈ। ਕਿਸਾਨ ਯੂਨੀਅਨ ਡਕੌਂਦਾ ਨਾਲ ਸਬੰਧਤ ਦਰਸ਼ਨ ਸਿੰਘ 7 ਜੂਨ ਨੂੰ ਤਬੀਅਤ ਵਿਗੜਨ ਕਾਰਨ ਦਿੱਲੀ ਧਰਨੇ ਤੋਂ ਘਰ ਪਰਤ ਆਇਆ ਸੀ। ਉਸ ਨੂੰ 8 ਜੂਨ ਨੂੰ ਇਥੇ ਹਸਪਤਾਲ ’ਚ ਦਾਖਲ ਕਰਵਾਇਆ ਸੀ, ਜਿੱਥੇ ਬੀਤੀ ਸ਼ਾਮ ਉਸ ਨੇ ਦਮ ਤੋੜ ਦਿੱਤਾ। ਯੂਨੀਅਨ ਆਗੂਆਂ ਨੇ ਦਰਸ਼ਨ ਸਿੰਘ ਦੀ ਦੇਹ ’ਤੇ ਕਿਸਾਨ ਯੂਨੀਅਨ ਦਾ ਝੰਡਾ ਪਾ ਕੇ ਅੰਤਿਮ ਵਿਦਾਇਗੀ ਦਿੱਤੀ। ਸੁਖਵਿੰਦਰ ਸਿੰਘ ਪਹਾੜੀਪੁਰ, ਸੁਖਵਿੰਦਰ ਸਿੰਘ ਧਬਲਾਨ, ਟਹਿਲ ਸਿੰਘ ਕੱਕੇਪੁਰ, ਜਗਤਾਰ ਸਿੰਘ ਬਰਸਟ ਤੇ ਨੈਬ ਸਿੰਘ ਬਰਸਟ ਨੇ ਪੀੜਤ ਪਰਿਵਾਰ ਲਈ ਢੁੱਕਵੇਂ ਮੁਆਵਜ਼ੇ ਅਤੇ ਇੱਕ ਜੀਅ ਲਈ ਸਰਕਾਰੀ ਨੌਕਰੀ ਦੀ ਮੰਗ ਕੀਤੀ।
