ਰਾਜਪੁਰਾ: ਇੱਥੇ ਰੋਟਰੀ ਭਵਨ ਵਿੱਚ ਲੋਕ ਸਹਿਤ ਸੰਗਮ ਦੀ ਬੈਠਕ ਹੋਈ, ਜਿਸ ਵਿਚ ਕੈਨੇਡਾ ਤੋਂ ਆਏ ਸੰਘਰਸ਼ਸ਼ੀਲ ਮੋਰਚੇ ਦੇ ਆਗੂ ਕਾਮਰੇਡ ਜਸਬੀਰ ਸਿੰਘ ਖਾਸਪੁਰ ਵਿਸ਼ੇਸ਼ ਮਹਿਮਾਨ ਸਨ। ਸਭਾ ਦਾ ਆਗਾਜ਼ ਕਰਮ ਸਿੰਘ ਹਕੀਰ ਦੀ ਕਿਰਤੀਆਂ ਨੂੰ ਸਮਰਪਿਤ ਕਵਿਤਾ ਨਾਲ ਹੋਇਆ। ਇਸ ਮੌਕੇ ਸ਼ਿਕਾਗੋ ਦੇ ਕੀਰਤੀਆਂ ਨੂੰ ਲਾਲ ਸਲਾਮ ਕਰ ਕੇ ਸ਼ਰਧਾਂਜਲੀ ਭੇਟ ਕੀਤੀ। ਇਸ ਮੌਕੇ ਸੁਰਿੰਦਰ ਸਿੰਘ ਸੋਹਣਾ, ਕੁਲਵੰਤ ਸਿੰਘ ਜੱਸਲ, ਗੁਰਵਿੰਦਰ ਅਜ਼ਾਦ, ਅਵਤਾਰ ਪੁਆਰ, ਭੀਮਸੈਨ ਝੁੱਲ੍ਹੇ ਲਾਲ, ਓਮ ਪ੍ਰਕਾਸ਼ ਅਰੋੜਾ, ਜਮਨਾ ਪ੍ਰਕਾਸ਼ ਨਾਚੀਜ਼, ਇੰਸਪੈਕਟਰ ਰਵਿੰਦਰ ਕ੍ਰਿਸ਼ਨ, ਸ਼ਰਨਜੀਤ ਕੌਰ ਪ੍ਰੀਤ, ਸੁਰਿੰਦਰ ਕੌਰ ਬਾੜਾ ਨੇ ਰਚਨਾਵਾਂ ਪੇਸ਼ ਕੀਤੀਆਂ। ਡਾ ਹਰਜੀਤ ਸਿੰਘ ਸੱਧਰ ਨੇ ਸਾਰੀਆਂ ਰਚਨਾਵਾਂ ਦੀ ਸਮੀਖਿਆ ਕੀਤੀ। ਕਾਮਰੇਡ ਜਸਬੀਰ ਸਿੰਘ ਖਾਸਪੁਰ ਅਤੇ ਸੁਰਿੰਦਰ ਕੌਰ ਬਾੜਾ ਨੂੰ ਵਿਸ਼ੇਸ਼ ਸਨਮਾਨ ਚਿੰਨ੍ਹ ਭੇਟ ਕੀਤਾ। -ਨਿੱਜੀ ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
