ਪਟਿਆਲਾ: 39 ਸਾਲਾਂ ਦੀ ਸ਼ਾਨਦਾਰ ਸੇਵਾ ਮਗਰੋਂ ਸੀਨੀਅਰ ਫਾਰਮੇਸੀ ਅਫ਼ਸਰ ਮੇਜਰ ਸਿੰਘ ਰਿਟਾਇਰ ਹੋ ਗਏ ਹਨ। ਇਸ ਤਹਿਤ ਫਾਰਮੇਸੀ ਅਫ਼ਸਰ ਐਸੋਸੀਏਸ਼ਨ ਵੱਲੋਂ ਮੀਤ ਪ੍ਰਧਾਨ ਹਰਜੀਵਨ ਸਿੰਘ ਚਹਿਲ ਅਤੇ ਹੋਰਨਾਂ ਦੀ ਅਗਵਾਈ ਹੇਠਾਂ ਹੋਈ ਵਿਦਾਇਗੀ ਪਾਰਟੀ ਦੌੌਰਾਨ ਉਨ੍ਹਾਂ ਦੇ ਸਮੂਹ ਸਾਥੀ ਮੁਲਾਜ਼ਮਾਂ ਵੱਲੋਂ ਸਨਮਾਨ ਕੀਤਾ ਗਿਆ। ਇਸ ਦੌਰਾਨ ਬੁਲਾਰਿਆਂ ਨੇ ਮੇਜਰ ਸਿੰਘ ਵੱਲੋਂ ਨੌਕਰੀ ਦੌਰਾਨ ਗ਼ਰੀਬ ਮਰੀਜ਼ਾਂ ਦੀ ਵਧ ਚੜ੍ਹ ਕੇ ਕੀਤੀ ਗਈ ਸੇਵਾ ਸਣੇ ਉਨ੍ਹਾਂ ਦੇ ਕਈ ਹੋਰ ਚੰਗੇ ਕਾਰਜਾਂ ਨੂੰ ਵੀ ਯਾਦ ਕੀਤਾ। ਉਧਰ, ਮੇਜਰ ਸਿੰਘ ਦਾ ਕਹਿਣਾ ਸੀ ਕਿ ਮਹਿਕਮੇ ਵਿਚ ਬਿਤਾਇਆ ਚਾਰ ਦਹਾਕਿਆਂ ਦਾ ਸਮਾਂ ਉਨ੍ਹਾਂ ਨੂੰ ਹਮੇਸ਼ਾ ਯਾਦ ਰਹੇਗਾ। -ਖੇਤਰੀ ਪ੍ਰਤੀਨਿਧ
ਸਬੰਧਿਤ ਖ਼ਬਰਾਂ
