ਪੱਤਰ ਪ੍ਰੇਰਕ
ਪਾਤੜਾਂ, 29 ਅਪਰੈਲ
ਸਮਾਜ ਸੇਵੀ ਸੰਸਥਾ ਰੋਇਲ ਕਲੱਬ ਪਾਤੜਾਂ ਵੱਲੋਂ ਸ਼ਹਿਰ ਵਾਸੀਆਂ ਦੇ ਸਹਿਯੋਗ ਨਾਲ ਐਮਰਜੈਂਸੀ ਹਾਲਤਾਂ ਨਾਲ ਨਜਿੱਠਣ ਲਈ ਆਈਸੀਯੂ ਵੈਂਟੀਲੇਟਰ ਦੀ ਸਹੂਲਤ ਨਾਲ ਲੈਸ ਐਂਬੂਲੈਂਸ ‘ਜੀਵਨ ਰੱਥ’ ਇਲਾਕਾ ਨਿਵਾਸੀਆਂ ਨੂੰ ਸਮਾਜ ਸੇਵੀ ਗਿਆਨ ਚੰਦ ਗਰਗ ਖੇਤਲੇ ਵਾਲਿਆਂ ਦੀ ਛੇਵੀਂ ਬਰਸੀ ਮੌਕੇ ਸਮਰਪਿਤ ਕੀਤੀ ਗਈ। ਸਥਾਨਕ ਸ਼ਿਵ ਮੰਦਰ ਹਾਲ ਵਿਖੇ ਕਰਵਾਏ ਗਏ ਸਮਾਗਮ ਦੌਰਾਨ ਮੁੱਖ ਮਹਿਮਾਨ ਦੇ ਤੌਰ ’ਤੇ ਪਾਤੜਾਂ ਫੂਡਜ਼ ਪ੍ਰਾਈਵੇਟ ਲਿਮਟਿਡ ਦੇ ਐੱਮਡੀ ਕਰਮਚੰਦ ਨੇ ਵਿਸ਼ੇਸ਼ ਤੌਰ ’ਤੇ ਸ਼ਿਰਕਤ ਕਰਦਿਆਂ ਐਂਬੂਲੈਂਸ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ।
ਅਮਰਜੈਂਸੀ ਹਾਲਤਾਂ ਵਿੱਚ ਐਂਬੂਲੈਂਸ ਮੰਗਵਾਉਣ ਲਈ ਹੈਲਪਲਾਈਨ ਨੰਬਰ 9521298212 ਜਾਰੀ ਕੀਤਾ ਗਿਆ । ਇਸ ਮੌਕੇ ਵਿਸ਼ੇਸ਼ ਮਹਿਮਾਨ ਦੇ ਤੌਰ ਤੇ ਨਗਰ ਕੌਂਸਲ ਪਾਤੜਾਂ ਦੇ ਪ੍ਰਧਾਨ ਰਣਵੀਰ ਸਿੰਘ ਯਾਦਵ ਅਤੇ ਸੀਨੀਅਰ ਕਾਂਗਰਸੀ ਆਗੂ ਕੀਮਤ ਰਾਏ ਸਿੰਗਲਾ ਹਾਜ਼ਰ ਸਨ।
