ਖੇਤਰੀ ਪ੍ਰਤੀਨਿਧ
ਸਨੌਰ, 3 ਫ਼ਰਵਰੀ
ਹਲਕਾ ਸਨੌਰ ਤੋਂ ‘ਆਪ’ ਉਮੀਦਵਾਰ ਹਰਮੀਤ ਸਿੰਘ ਪਠਾਨਮਾਜਰਾ ਨੂੰ ਲੋਕਾਂ ਦਾ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ। ਪਿਛਲੇ ਕੁਝ ਦਿਨਾਂ ਦੌਰਾਨ ਕਈ ਕਾਂਗਰਸੀ ਆਗੂ ਨਾ ਸਿਰਫ ਉਨ੍ਹਾਂ ਦੀ ਪਿੱਠ ’ਤੇ ਆ ਖਲੋਤੇ ਹਨ, ਬਲਕਿ ਕਾਂਗਰਸ ਛੱਡ ਕੇ ‘ਆਪ’ ਵਿੱਚ ਹੀ ਸ਼ਾਮਲ ਹੋ ਗਏ ਹਨ। ਅੱਜ ਹੀ ਸਨੌਰ ਹਲਕੇ ਨਾਲ਼ ਸਬੰਧਤ ਤੇ ਕਾਂਗਰਸ ਦੇ ਐਕਟਿੰਗ ਜ਼ਿਲ੍ਹਾ ਪ੍ਰਧਾਨ ਅਤੇ ਪੁਰਾਣੇ ਕਾਂਗਰਸੀ ਡਾ. ਗੁਰਮੀਤ ਸਿੰਘ ਬਿੱਟੂ ਵਾਈਸ ਚੇਅਰਮੈਨ ਪੰਚਾਇਤ ਸਮਿਤੀ ਭੁੱਨਰਹੇੜੀ, ਜ਼ਿਲ੍ਹਾ ਪ੍ਰੀਸ਼ਦ ਮੈਬਰ ਮਨਿੰਦਰ ਫਰਾਂਸਵਾਲਾ, ਸਰਪੰਚ ਪ੍ਰਗਟ ਸਿੰਘ ਰਤਾਖੇੜਾ, ਚਰਨਜੀਤ ਭੈਣੀ ਵੇਦ ਪ੍ਰਕਾਸ ਮਗਰ ਸਾਹਿਬ, ਜਗਮੋਹਨ ਗਗਰੋਲਾ, ਸੋਨੀ ਬੋਹੜਪੁਰ, ਜਸਪਾਲ ਭੁਨਰਹੇੜੀ ਮਲਕੀਤ ਲੇਹਲਾਂ, ਤੀਰਥ ਲੇਹਲਾਂ, ਹਰਮੇਸ਼ ਲੇਹਲਾਂ, ਗੁਰਮੇਲ ਆੜਤੀ (ਚੇਅਰਮੈਨ ਰਾਇਸ ਮਿਲਰਜ਼ ਐਸੋਸੀਏਸ਼ਨ), ਮਨਜਿੰਦਰ ਸਰਪੰਚ ਸਰਕੜਾ ਫਾਰਮ, ਗੁਰਵਿੰਦਰ ਸਰਪੰਚ ਤੇਜਾ ਆਦਿ ਕਾਂਗਰਸ ਛੱਡ ਕੇ ‘ਆਪ’ ’ਚ ਸ਼ਾਮਲ ਹੋ ਗਏ ਹਨ।
ਇਸ ਤੋਂ ਇਲਾਵਾ ਪੁਰਾਣੇ ਕਾਂਗਰਸੀ ਆਗੂ ਜਸਬੀਰ ਬਾਜਵਾ ਤੇ ਜਸਪਾਲ ਸਿੰਘ ਬੋਹੜਪੁਰ (ਦੋਵੇਂ ਸਾਬਕਾ ਡਾਇਰੈਕਟਰ ਕੋਆਪਰੇਟਿਵ ਬੈਂਕ) ਫਤਹਿਪੁਰ ਦੇ ਸਾਬਕਾ ਸਰਪੰਚ ਹਰਜੀਤ ਕਾਲਾ, ਸਰਪੰਚ ਬਲਵਿੰਦਰ ਕੌਰ ਫਤਹਿਪੁਰ, ਪੰਚ ਜਸਵੰਤ ਸਿੰਘ ਤੇ ਜਗਸੀਰ ਸਿੰਘ,ਬਲਾਕ ਸਮਿਤੀ ਮੈਂਬਰ ਜੋਧ ਸਿੰਘ ਕੌਲੀ ਤੇ ਸ਼ਾਮ ਲਾਲ ਬੋਹੜਪੁਰ ਸਮੇਤ ਪੂਰਨ ਸਿੰਘ ਸਾਬਕਾ ਸਰਪੰਚ, ਭੁਪਿੰਦਰ ਸਿੰਘ ਸਾਬਕਾ ਸਰਪੰਚ ਅਤੇ ਮਹਿੰਦਰ ਸਿੰਘ ਰਾਜਪੂਤ ਆਦਿ ਵੀ ਕਾਂਗਰਸ ਛੱਡ ਕੇ ‘ਆਪ’ ’ਚ ਸ਼ਾਮਲ ਹੋਏ ਹਨ।
