ਪੱਤਰ ਪ੍ਰੇਰਕ
ਪਟਿਆਲਾ, 4 ਜਨਵਰੀ
ਨੈਸ਼ਨਲ ਥੀਏਟਰ ਆਰਟਸ ਸੋਸਾਇਟੀ (ਨਟਾਸ) ਅਤੇ ਸਰਬੱਤ ਦਾ ਭਲਾ ਚੈਰੀਟੇਬਲ ਟਰੱਸਟ ਦੇ ਮੁੱਖੀ ਦਾਨਵੀਰ ਡਾ. ਐੱਸਪੀ ਸਿੰਘ ਓਬਰਾਏ ਵੱਲੋਂ 234ਵਾਂ ਮਾਸਿਕ ਗਾਰਡਨ ਮੇਲਾ ਗੁਰੂ ਤੇਗ ਬਹਾਦਰ ਜੀ ਦੇ 400 ਸਾਲਾ ਸ਼ਤਾਬਦੀ ਪੂਰਬ ਨੂੰ ਸਮਰਪਿਤ ਕੀਤਾ ਗਿਆ। ਆਰਕੀਟੈਕਟ ਐੱਲਆਰ ਗੁਪਤਾ ਨੇ ਨਟਾਸ ਨੂੰ 5000 ਰੁਪਏ ਦਾ ਕੈਸ਼ ਐਵਾਰਡ ਭੇਟ ਕਰਦਿਆਂ ਕਿਹਾ ਕਿ ਪ੍ਰਾਣ ਸੱਭਰਵਾਲ ਤੇ ਉਨ੍ਹਾਂ ਦਾ ਪਤਨੀ ਸ੍ਰੀਮਤੀ ਸੱਭਰਵਾਲ, ਪ੍ਰਧਾਨ ਗੁਰਬਚਨ ਸਿੰਘ ਕੱਕੜ, ਸਾਥੀਆਂ ਅਤੇ ਕਲਾਕਾਰਾਂ ਵੱਲੋਂ ਪਿਛਲੇ 20 ਸਾਲਾਂ ਤੋਂ ਨਿਰੰਤਰ ਮਾਸਿਕ ਗਾਰਡਨ ਥੀਏਟਰ ਮੁਹਿੰਮ ਨੂੰ ਜਾਰੀ ਰੱਖਣਾ ਇੱਕ ਮਹਾਨ ਯੋਗਦਾਨ ਹੈਸ੍ਰੀ ਪ੍ਰਾਣ ਸੱਭਰਵਲਾ, ਆਰਕੀਟੈਕਟ ਬੇਦੀ ਜਗਮੋਹਨ ਸਿੰਘ ਨੇ ਹਾਜਰ ਮਹਿਮਾਨ ਹਸਤੀਆਂ ਦੇ ਨਾਲ 20 ਕਲਾਕਾਰਾਂ, ਸਮੇਤ ਟੈਕਨੀਕਲ, ਪ੍ਰਬੰਧਕੀ ਟੀਮਾਂ ਨੂੰ ਕੈਸ਼ ਐਵਾਰਡ ਦੇ ਚੈਕ ਅਤੇ ਨਕਦ ਇਨਾਮ ਵੰਡੇ।
