ਸਰਬਜੀਤ ਸਿੰਘ ਭੰਗੂ
ਪਟਿਆਲਾ, 20 ਮਾਰਚ
ਸਮਾਜ ਸੇਵਾ ਦੇ ਖੇਤਰ ਵਿਚ ਸੰਜੀਦਗੀ ਨਾਲ ਸੇਵਾ ਕਰ ਰਹੇ ‘ਯੂਨੀਵਰਸਲ ਵੈੱਲਫੇਅਰ ਕਲੱਬ ਪੰਜਾਬ’ ਅਤੇ ‘ਹਿਊਮਨ ਵੈੱਲਫੇਅਰ ਫਾਊਂਡੇਸ਼ਨ’ ਵਲੋਂ ਹਰਦੀਪ ਸਿੰਘ ਸਨੌਰ ਦੀ ਅਗਵਾਈ ਹੇਠ 9ਵਾਂ ਸਨਮਾਨ ਸਮਾਗਮ ਸਰਕਾਰੀ ਰਾਜਿੰਦਰਾ ਹਸਪਤਾਲ ਦੇ ਬਲੱਡ ਬੈਂਕ ਵਿੱਚ ਕਰਵਾਇਆ ਗਿਆ। ਇਸ ਦੌਰਾਨ ਮੁੱਖ ਮਹਿਮਾਨ ਗੋਲਡਨ ਸਟਾਰ ਬਲੱਡ ਡੋਨਰ ਨਾਹਰ ਸਿੰਘ ਮਾਜਰੀ (ਸਾਬਕਾ ਡੀ.ਐੱਸ.ਪੀ), ਅਮਰੀਕ ਸਿੰਘ ਖੱਟੜਾ (ਮੈਨੇਜਰ ਗੁਰਦੁਆਰਾ ਪਾਤਸ਼ਾਹੀ 9ਵੀਂ ਰੋਹਟਾ ਸਾਹਿਬ) ਤੇ ਉਪਕਾਰ ਸਿੰਘ (ਸਾਬਕਾ ਡੀ.ਈ.ਓ.) ਸਨ। ਉਨ੍ਹਾਂ ਨੇ ਇਸ ਸਮਾਗਮ ਵਿੱਚ ਖੂਨਦਾਨ ਕਰਨ, ਬੂਟੇ ਲਾਉਣ ਅਤੇ ਕਰੋਨਾ ਸੰਕਟ ਦੌਰਾਨ ਵੱਡ-ਮੁੱਲੀਆਂ ਸੇਵਾਵਾਂ ਦੇਣ ਬਦਲੇ ਠੇਕੇਦਾਰ ਕਰਮਜੀਤ ਸਿੰਘ ਪਟਿਆਲਾ, ਜਸਵਿੰਦਰ ਸਿੰਘ ਭੱਪਲ, ਤੇਜਿੰਦਰਵੀਰ ਸਿੰਘ ਸਨੌਰ ਤੇ ਜਨਕ ਦੁਲਾਰੀ, ਜਿਉਣਾ ਸਿੰਘ ਜੋਨੀ, ਅਵਤਾਰ ਸਿੰਘ ਬਲਬੇੜਾ, ਗੁਰਵਿੰਦਰ ਸਿੰਘ ਬਰਕਤਪੁਰ, ਕਿਰਪਾਲ ਸਿੰਘ ਪੰਜੌਲਾ, ਗੁਰਜੀਤ ਸਿੰਘ ਡੀਲਵਾਲ ਆਦਿ ਨੂੰ ‘ਮਿਸ਼ਨ ਲਾਲੀ ਤੇ ਹਰਿਆਲੀ ਐਵਾਰਡ-2021’ ਅਤੇ ਮਿਸ਼ਨਰੀ ਮਫਲਰ ਦੇ ਕੇ ਸਨਮਾਨਤ ਕੀਤਾ ਗਿਆ। ਇਸ ਮੌਕੇ ਨਰਿੰਦਰ ਸਿੰਘ ਕਾਠਗੜ੍ਹ ਪ੍ਰਧਾਨ, ਮੁਖਤਿਆਰ ਸਿੰਘ ਸਰਪੰਚ ਹਰੀਨਗਰ ਖੇੜਕੀ, ਸੁਰੇਸ਼ ਅਣਖੀ, ਬਲਜਿੰਦਰ ਕੌਰ, ਸੰਦੀਪ ਸਿੰਘ ਨਾਮਧਾਰੀ, ਕਰਨ ਸਿੰਘ ਜੌਲੀ, ਅਜੇ ਜੋਸ਼ੀ ਸਿੱਧੂਵਾਲ, ਰਵਿੰਦਰ ਭਾਂਖਰ, ਅਮਨ ਧਮੌਲੀ, ਸੁਰੇਸ਼ ਮੁਖੀਜਾ, ਜੁਗਰਾਜ ਸਿੰਘ ਚਹਿਲ, ਦਰਸ਼ਨ ਸਿੰਘ ਵਾਲੀਆ, ਠੇਕੇਦਾਰ ਗੁਰਬਚਨ ਸਿੰਘ, ਸਤੀਸ਼ ਸ਼ਰਮਾ ਭੱਪਲ ਤੇ ਗੁਰਦਿੱਤ ਸਿੰਘ ਨੇ ਵੀ ਸ਼ਮੂਲੀਅਤ ਕੀਤੀ। ਇਸ ਮਿਸ਼ਨ ਦੇ ਮੋਢੀ ਹਰਦੀਪ ਸਿੰਘ ਸਨੌਰ ਨੇ ਸੰਸਥਾ ਦੀਆਂ ਗਤੀਵਿਧੀਆਂ ਬਾਰੇ ਚਾਨਣਾ ਪਾਇਆ।
