ਗੁਰਨਾਮ ਸਿੰਘ ਅਕੀਦਾ
ਪਟਿਆਲਾ, 28 ਨਵੰਬਰ
ਸਰਬੱਤ ਦਾ ਭਲਾ ਚੈਰੀਟੇਬਲ ਟਰੱਸਟ ਪਟਿਆਲਾ, ਕਲਾ ਕ੍ਰਿਤੀ ਪਟਿਆਲਾ ਅਤੇ ਨਟਰਾਜ ਆਰਟਸ ਥੀਏਟਰ ਪਟਿਆਲਾ ਵੱਲੋਂ ਉੱਤਰੀ ਖੇਤਰੀ ਸੱਭਿਆਚਾਰਕ ਕੇਂਦਰ ਪਟਿਆਲਾ ਦੇ ਸਹਿਯੋਗ ਨਾਲ ਅੱਜ ਇੱਥੇ ਕਾਲੀਦਾਸ ਆਡੀਟੋਰੀਅਮ ਵਿਰਸਾ ਵਿਹਾਰ ਕੇਂਦਰ ਨੇੜੇ ਭਾਸ਼ਾ ਭਵਨ, ਸ਼ੇਰਾਂਵਾਲਾ ਗੇਟ, ਪ੍ਰੀਤਮ ਸਿੰਘ ਪਟਿਆਲਾ ਵਿੱਚ ਕਰਵਾਇਆ ਜਾ ਰਿਹਾ ਹੈ। ਓਬਰਾਏ ਮੈਮੋਰੀਅਲ 15 ਰੋਜ਼ਾ ਨੈਸ਼ਨਲ ਥੀਏਟਰ ਫ਼ੈਸਟੀਵਲ ਦੇ 13ਵੇਂ ਦਿਨ ਮਹਿਲਾ ਡਰਾਮਾ ਸੰਸਥਾ ਗਵਾਲੀਅਰ ਵੱਲੋਂ ਮਛਿੰਦਰ ਮੋਰ ਦਾ ਲਿਖਿਆ ਅਤੇ ਗੀਤਾਂਜਲੀ ਗੀਤ ਦੀ ਨਿਰਦੇਸ਼ਨਾ ਹੇਠ ਲਿਖਿਆ ਨਾਟਕ ‘ਜਾਨੇਮਨ’ ਪੇਸ਼ ਕੀਤਾ ਗਿਆ। ਗੀਤਾਂਜਲੀ ਗੀਤ ਥੀਏਟਰ ਦੇ ਖੇਤਰ ਵਿੱਚ ਇੱਕ ਮਸ਼ਹੂਰ ਡਰਾਮਾ ਨਿਰਦੇਸ਼ਕ, ਅਭਿਨੇਤਰੀ ਅਤੇ ਲੇਖਕ ਹੈ ਜਿਸ ਨੇ ਆਪਣੇ ਨਾਟਕਾਂ ਰਾਹੀਂ ਬਹੁਤ ਸਾਰੇ ਇਤਿਹਾਸ ਲਿਖੇ ਹਨ। ਨਾਟਕ ‘ਜਾਨੇਮਨ’ ਕਿੰਨਰਾਂ ਦੀ ਜ਼ਿੰਦਗੀ ਨੂੰ ਦਰਸਾਉਂਦਾ ਹੈ। ਇਹ ਉਨ੍ਹਾਂ ਦੇ ਭਾਵਨਾਤਮਕ ਪਹਿਲੂਆਂ ਨੂੰ ਉਜਾਗਰ ਕਰਦਾ ਹੈ ਅਤੇ ਕਿੰਨਰਾਂ ਦੀ ਛੁਪੀ ਹੋਈ ਜ਼ਿੰਦਗੀ ਦੇ ਅਣਛੋਹੇ ਪਹਿਲੂਆਂ, ਉਨ੍ਹਾਂ ਦੇ ਦੁੱਖ ਦਰਦ, ਉਨ੍ਹਾਂ ਦੀਆਂ ਖ਼ੁਸ਼ੀਆਂ, ਉਹ ਕਿਵੇਂ ਰਹਿੰਦੇ ਹਨ, ਕਿਵੇਂ ਖਾਂਦੇ ਹਨ ਬਾਰੇ ਦੱਸਦੇ ਹਨ। ਨਾਟਕ ‘ਜਾਨੇਮਨ’ ਵਿਚ ਦਿਖਾਇਆ ਗਿਆ ਹੈ ਕਿ ਕਿੰਨਰਾਂ ਦੀ ਜ਼ਿੰਦਗੀ ਨੱਚਣ ਅਤੇ ਭੀਖ ਮੰਗਣ ਤੱਕ ਸੀਮਤ ਨਹੀਂ ਹੁੰਦੀ। ਉਨ੍ਹਾਂ ਦੇ ਜੀਵਨ ਦੇ ਵੱਖ-ਵੱਖ ਪਹਿਲੂ ਹਨ। ਖੁਸਰੇ ਕੇਵਲ ਇੱਕ ਕੁਦਰਤੀ ਰਚਨਾ ਹੀ ਨਹੀਂ ਹਨ, ਸਗੋਂ ਉਹ ਖੁਸਰਿਆਂ ਦੇ ਗੁਰੂ ਦੀ ਸੰਤਾਨ ਵਜੋਂ ਨਰ ਤੋਂ ਖੁਸਰਿਆਂ ਵਿੱਚ ਵੀ ਬਦਲ ਜਾਂਦੇ ਹਨ। ਇਸ ਕਾਰਨ ਗੁਰੂ ਕਿੰਨਰ ਆਪਣੇ ਬੱਚੇ ਨੂੰ ਆਪਣੇ ਚੇਲਿਆਂ ਵਿੱਚੋਂ ਇੱਕ ਪ੍ਰਤੀਕ ਵਜੋਂ ਛੱਡ ਕੇ ਮੁਕਤੀ ਪ੍ਰਾਪਤ ਕਰਦੇ ਹਨ। ਨਾਟਕ ਮੇਲੇ ਦਾ ਪ੍ਰਬੰਧ ਪਰਮਿੰਦਰਪਾਲ ਕੌਰ ਤੇ ਗੋਪਾਲ ਸ਼ਰਮਾ ਨੇ ਬਾਖ਼ੂਬੀ ਕੀਤਾ।
