ਰਾਜਪੁਰਾ (ਪੱਤਰ ਪ੍ਰੇਰਕ): ਪੰਜਾਬ ਦੇ ਰਾਜਪਾਲ ਸ੍ਰੀ ਬਨਵਾਰੀ ਲਾਲ ਪੁਰੋਹਿਤ ਨੇ ਕਿਹਾ ਕਿ 156 ਦੇਸ਼ਾਂ ਵਿੱਚ 450 ਮਿਲੀਅਨ ਤੋਂ ਵੱਧ ਲੋਕਾਂ ਨੂੰ ਸੁੱਖ ਅਤੇ ਸ਼ਾਂਤੀ ਲਿਆਉਣ ਵਿੱਚ ਗੁਰੂ ਦੇਵ ਸ੍ਰੀ ਸ੍ਰੀ ਰਵੀਸ਼ੰਕਰ ਦਾ ਯੋਗਦਾਨ ਸ਼ਲਾਘਾਯੋਗ ਹੈ। ਸ੍ਰੀ ਪੁਰੋਹਿਤ ਐਤਵਾਰ ਦੇਰ ਸ਼ਾਮ ਨੂੰ ਇਥੇ ਪਿੰਡ ਆਲਮਪੁਰ ਨੇੜੇ ਉਸਾਰੀ ਅਧੀਨ ‘ਦਾ ਵੈਲਨੈਸ ਸਿਟੀ’ ਵਿੱਚ ਸ੍ਰੀ ਸ੍ਰੀ ਰਵੀਸ਼ੰਕਰ ਦੇ ਸਤਿਸੰਗ ਦੌਰਾਨ ਭਰਵੇਂ ਇੱਕਠ ਵਿੱਚ ਵਿਚਾਰ ਪ੍ਰਗਟ ਕਰ ਰਹੇ ਸਨ। ਇਸ ਤੋਂ ਪਹਿਲਾਂ ਸਤਸਿੰਗ ਦੌਰਾਨ ਸ੍ਰੀ ਸ੍ਰੀ ਰਵੀਸ਼ੰਕਰ ਨੇ ਕਿਹਾ ਕਿ ਪੰਜਾਬ ਗੁਰੂਆਂ ਦੀ ਭੂਮੀ ਹੈ। ਇਸ ਨੇ ਸਾਨੂੰ ਹਮੇਸ਼ਾ ਸੇਵਾ ਦਾ ਗੁਣ ਸਿਖਾਇਆ ਹੈ। ਅਜੋਕੇ ਸਮੇਂ ਦੌਰਾਨ ਇੱਥੇ ਨਸ਼ੇ ਦੀ ਬੁਰਾਈ ਦਾ ਇੱਕੋ ਇੱਕ ਕਾਰਨ ਆਂਤਰਿਕ ਸੁੱਖ ਦੀ ਕਮੀ ਹੈ।
ਸਬੰਧਿਤ ਖ਼ਬਰਾਂ
