ਪੱਤਰ ਪ੍ਰੇਰਕ
ਦੇਵੀਗੜ੍ਹ, 5 ਨਵੰਬਰ
ਮਾਤਾ ਗੁਜਰੀ ਸੀਨੀਅਰ ਸੈਕੰਡਰੀ ਸਕੂਲ ਦੇਵੀਗੜ੍ਹ ਵਿੱਚ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਨਾਲ ਸਬੰਧਤ ਸਾਲਾਨਾ ਧਾਰਮਿਕ ਸਮਾਗਮ ਕਰਵਾਇਆ ਗਿਆ। ਇਸ ਮੌਕੇ ਸ੍ਰੀ ਅਖੰਡ ਪਾਠ ਸਾਹਿਬ ਦਾ ਭੋਗ ਪਾਇਆ ਗਿਆ। ਇਸ ਪਾਵਨ ਦਿਹਾੜੇ ’ਤੇ ਸਕੂਲ ਦੇ ਵਿਦਿਆਰਥੀਆਂ ਵੱਲੋਂ ਸ਼ਬਦ ਗਾਇਨ ਕੀਤਾ ਗਿਆ। ਇਸ ਮੌਕੇ ਮਾਤਾ ਪੂਰਨ ਕੌਰ ਸਰਪ੍ਰਸਤ ਮਾਤਾ ਗੁਜਰੀ ਸੀਨੀਅਰ ਸੈਕੰਡਰੀ ਸਕੂਲ, ਡਾਇਰੈਕਟਰ ਭੂਪਿੰਦਰ ਸਿੰਘ, ਪ੍ਰਧਾਨ ਰਵਿੰਦਰ ਕੌਰ, ਸਮੂਹ ਸਟਾਫ ਅਤੇ ਵਿਦਿਆਰਥੀਆਂ ਵੱਲੋਂ ਸਕੂਲ ਦੀ ਤਰੱਕੀ ਅਤੇ ਸਰਬੱਤ ਦੇ ਭਲੇ ਲਈ ਅਰਦਾਸ ਕੀਤੀ ਗਈ। ਇਸ ਮੌਕੇ ਇਲਾਕੇ ਦੇ ਪਤਵੰਤੇ ਸੱਜਣ ਮਨੋਜ ਕੁਮਾਰ ਬੱਬੂ, ਸਤਨਾਮ ਸਿੰਘ ਗੁਥਮੜਾ, ਰਣਜੀਤ ਸਿੰਘ ਰੁੜਕੀ, ਬਾਬਾ ਰਣਜੀਤ ਸਿੰਘ ਜੋਧਪੁਰ, ਕਾਮਰੇਡ ਰਮੇਸ਼ ਅਜ਼ਾਦ, ਗੁਰਚਰਨ ਸਿੰਘ ਖਾਲਸਾ, ਗੋਲਡੀ ਸ਼ਰਮਾ, ਅਸ਼ੋਕ ਚੌਧਰੀ, ਡਾ. ਯਸ਼ਪਾਲ ਖੰਨਾ, ਕੁਲਵਿੰਦਰ ਸਿੰਘ, ਹਰਜੀਤ ਸਿੰਘ ਜੋਸ਼ਨ, ਹਰਜਿੰਦਰ ਸਿੰਘ ਰੌਹੜ ਜਾਗੀਰ ਆਦਿ ਵੀ ਹਾਜ਼ਰ ਸਨ।
