ਗੁਰਨਾਮ ਜਿੰਘ ਚੌਹਾਨ/ਸ਼ਾਹਬਾਜ਼ ਸਿੰਘ
ਪਾਤੜਾਂ/ਘੱਗਾ, 20 ਮਾਰਚ
ਅੱਜ ਦੁਪਹਿਰੇ ਕਲਵਾਣੂ ਨੇੜੇ ਭਾਖੜਾ ਮੁੱਖ ਲਾਈਨ ਦੇ ਪੁਲ ਨਜ਼ਦੀਕ ਇਕ 13 ਸਾਲਾ ਬੱਚਾ ਭਾਖੜਾ ਨਹਿਰ ਵਿਚ ਰੁੜ ਗਿਆ। ਗੋਤਾਖੋਰਾਂ ਵੱਲੋਂ ਉਸ ਦੀ ਭਾਲ ਕੀਤੀ ਜਾ ਰਹੀ ਹੈ। ਜਾਣਕਾਰੀ ਮੁਤਾਬਕ ਪਿੰਡ ਜਲਾਲਪੁਰ ਦਾ ਇਸ਼ਮੀਤ ਨਾਂ ਦਾ ਬੱਚਾ ਆਪਣੇ ਤਿੰਨ ਸਾਥੀਆਂ ਨਾਲ ਮੁਨੀ ਬਾਬਾ ਦੇ ਲੰਗਰ ਤੋਂ ਵਾਪਸ ਪਿੰਡ ਪਰਤ ਰਿਹਾ ਸੀ ਕਿ ਕਲਵਾਣੂ ਦੇ ਭਾਖੜਾ ਪੁਲ ਤੋਂ ਲੰਘਦਿਆਂ ਮਿੱਟੀ ਘੱਟੇ ਵਿਚ ਲਬਿੜ ਗਿਆ। ਉਹ ਮੂੰਹ ਹੱਥ ਧੋਣ ਲਈ ਜਿਵੇਂ ਹੀ ਭਾਖੜਾ ਕੰਡੇ ਉਤਰਿਆ ਤਾਂ ਪੈਰ ਤਿਲਕਣ ਕਾਰਨ ਨਹਿਰ ਵਿਚ ਡਿਗ ਗਿਆ ਤੇ ਰੁੜ ਗਿਆ। ਉਸ ਦੇ ਸਾਥੀਆਂ ਜਿਨ੍ਹਾਂ ਵਿੱਚ ਉਸ ਦੀ ਭੈਣ ਵੀ ਸ਼ਾਮਲ ਸੀ ਨੇ ਉਸ ਨੂੰ ਬਚਾਉਣ ਲਈ ਰੌਲਾ ਪਾਇਆ। ਘਟਨਾ ਦਾ ਪਤਾ ਲਗਦਿਆਂ ਹੀ ਪਿੰਡ ਅਤੇ ਆਲੇ ਦੁਆਲੇ ਦੇ ਲੋਕ ਇਕੱਠੇ ਹੋ ਗਏ। ਕਿਸੇ ਨੇ ਇਸ ਦੀ ਸੂਚਨਾ ਗੋਤਾਖੋਰਾਂ ਨੂੰ ਦਿੱਤੀ ਜਿਨ੍ਹਾਂ ਵੱਲੋਂ ਬੱਚੇ ਦੀ ਭਾਲ ਕੀਤੀ ਜਾ ਰਹੀ ਹੈ।
