ਸੰਦੌੜ: ਪਿੰਡ ਫਰੀਦਪੁਰ ਕਲਾਂ ਤੋਂ ਬੀਤੇ ਦਿਨ ਲਾਪਤਾ ਹੋਏ ਬੱਚੇ ਨੂੰ ਥਾਣਾ ਸੰਦੌੜ ਦੀ ਪੁਲੀਸ ਨੇ 24 ਘੰਟਿਆਂ ਵਿੱਚ ਲੱਭ ਕੇ ਮਾਪਿਆਂ ਦੇ ਹਵਾਲੇ ਕਰ ਦਿੱਤਾ ਹੈ। ਜ਼ਿਲ੍ਹਾ ਪੁਲੀਸ ਮੁਖੀ ਅਵਨੀਤ ਕੌਰ ਸਿੱਧੂ ਨੇ ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਪਿੰਡ ਫਰੀਦਪੁਰ ਕਲਾਂ ਤੋਂ ਲਾਪਤਾ ਹੋਏ ਸ਼ਹਬਿਾਜ਼ ਮੁਹੰਮਦ (12) ਪੁੱਤਰ ਰਮਜ਼ਾਨ ਮੁਹੰਮਦ ਨੂੰ ਲੱਭਣ ਲਈ ਡੀਐੱਸਪੀ ਕੁਲਦੀਪ ਸਿੰਘ ਦੀ ਅਗਵਾਈ ਹੇਠ ਥਾਣਾ ਸੰਦੌੜ ਦੇ ਮੁਖੀ ਸੁਖਵਿੰਦਰ ਸਿੰਘ ਖੁਰਦ ਸਮੇਤ ਦੋ ਟੀਮਾਂ ਬਣਾਈਆਂ ਗਈਆਂ ਸਨ। ਟੀਮਾਂ ਨੇ ਮੁਸਤੈਦੀ ਨਾਲ ਬੱਚੇ ਨੂੰ ਲੱਭਣ ਲਈ ਆਪਣੇ ਆਪਣੇ ਢੰਗ ਅਨੁਸਾਰ ਕੰਮ ਕੀਤਾ ਜਿਸ ਦੇ ਸਿੱਟੇ ਵਜੋਂ ਲਾਪਤਾ ਸ਼ਹਬਿਾਜ਼ ਖਾਂ ਨੂੰ 24 ਘੰਟਿਆਂ ਵਿੱਚ ਪੁਲੀਸ ਨੇ ਲੱਭ ਕੇ ਉਸ ਦੇ ਮਾਪਿਆਂ ਦੇ ਹਵਾਲੇ ਕਰ ਦਿੱਤਾ। -ਪੱਤਰ ਪ੍ਰੇਰਕ
ਸਬੰਧਿਤ ਖ਼ਬਰਾਂ
