ਪੱਤਰ ਪ੍ਰੇਰਕ
ਰਾਜਪੁਰਾ, 13 ਸਤੰਬਰ
ਬੀਤੇ ਦਿਨ ਆਪਣੇ ਲੜਕੇ ਨਾਲ ਸਕੂਟਰੀ ’ਤੇ ਜਾ ਰਹੀ ਇੱਕ ਔਰਤ ਕੋਲੋਂ ਨੌਜਵਾਨ ਪਰਸ ਝਪਟ ਕੇ ਫਰਾਰ ਹੋ ਗਏ। ਪੁਲੀਸ ਨੇ ਦੱਸਿਆ ਕਿ ਅਰਸ਼ਿਵੰਦਰ ਸਿੰਘ ਵਾਸੀ ਪਿੰਡ ਕਬੂਲਪੁਰ ਹਾਲ ਸੁੰਦਰ ਨਗਰ ਰਾਜਪੁਰਾ ਨੇ ਪੁਲੀਸ ਕੋਲ ਸ਼ਿਕਾਇਤ ਦਰਜ ਕਰਵਾਈ ਹੈ ਕਿ ਉਹ ਸਕੂਟਰੀ ’ਤੇ ਸਵਾਰ ਹੋ ਕੇ ਆਪਣੀ ਮਾਤਾ ਸਮੇਤ ਟਾਊਨ ਦੇ ਫੁਆਰਾ ਚੌਕ ਨੇੜੇ ਜਾ ਰਿਹਾ ਸੀ ਕਿ ਇੱਕ ਮੋਟਰਸਾਈਕਲ ’ਤੇ ਸਵਾਰ ਕੁਲਵਿੰਦਰ ਸਿੰਘ, ਸੁਖਦੀਪ ਸਿੰਘ ਤੇ ਸੋਨੂ ਨੇ ਉਸ ਦੀ ਮਾਤਾ ਕੋਲੋਂ ਪਰਸ ਝਪਟ ਲਿਆ। ਪਰਸ ’ਚ 6 ਹਜ਼ਾਰ ਰੁਪਏ ਅਤੇ ਆਧਾਰ ਕਾਰਡ ਸਮੇਤ ਸਾਮਾਨ ਸੀ। ਪੁਲੀਸ ਨੇ ਉਕਤ ਤਿੰਨਾਂ ਖਿਲਾਫ ਕੇਸ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
