ਪੱਤਰ ਪ੍ਰੇਰਕ
ਘਨੌਰ, 16 ਸਤੰਬਰ
ਘਨੌਰ ਪੁਲੀਸ ਨੇ ਤਿੰਨ ਵਿਅਕਤੀ ਜਾਅਲੀ ਨੰਬਰ ਪਲੇਟਾਂ ਵਾਲੀ ਦੋ ਕਾਰਾਂ ਸਮੇਤ ਕਾਬੂ ਕੀਤੇ ਹਨ। ਥਾਣਾ ਘਨੌਰ ਦੀ ਪੁਲੀਸ ਨੇ ਦੱਸਿਆ ਕਿ ਸਹਾਇਕ ਥਾਣੇਦਾਰ ਗੁਰਪ੍ਰੀਤ ਸਿੰਘ ਨੇ ਸਮੇਤ ਪੁਲੀਸ ਪਾਰਟੀ ਘਨੌਰ ਨੇੜਲੇ ਨਹਿਰੀ ਪੁਲ ’ਤੇ ਨਾਕਾਬੰਦੀ ਕੀਤੀ ਹੋਈ ਸੀ ਕਿ ਇੱਕ ਮਾਰੂਤੀ ਕਾਰ ਇੱਕ ਹੋਰ ਆਲਟੋ ਕਾਰ ਨੂੰ ਟੋਚਨ ਕਰਕੇ ਲਿਆ ਰਹੀ ਸੀ। ਪੁਲੀਸ ਨੇ ਸ਼ੱਕ ਦੇ ਆਧਾਰ ’ਤੇ ਇਨ੍ਹਾਂ ਕਾਰਾਂ ਦੀ ਜਾਂਚ ਕੀਤੀ ਤਾਂ ਦੋਵੇਂ ਕਾਰਾਂ ’ਤੇ ਜਾਅਲੀ ਨੰਬਰ ਪਲੇਟਾਂ ਲੱਗੀਆਂ ਹੋਈਆਂ ਸਨ। ਪੁਲੀਸ ਨੇ ਕਾਰਾਂ ਵਿੱਚ ਸਵਾਰ ਰਵੀ, ਜਸਵਿੰਦਰ ਅਤੇ ਕਰਨ ਵਾਸੀਆਨ ਪਿੰਡ ਸਲਪਾਨੀ ਥਾਣਾ ਝਾਂਸਾ ਜ਼ਿਲ੍ਹਾ ਕੁਰਕੂਸ਼ੇਤਰ ਖ਼ਿਲਾਫ਼ ਕੇਸ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
