ਨਾਭਾ (ਨਿੱਜੀ ਪੱਤਰ ਪ੍ਰੇਰਕ): ਇਥੋਂ ਦੀ ਨਵੀਂ ਜ਼ਿਲ੍ਹਾ ਜੇਲ੍ਹ ’ਚੋਂ ਤਿੰਨ ਹੋਰ ਮੋਬਾਈਲ ਬਰਾਮਦ ਹੋਣ ‘ਤੇ ਤਿੰਨ ਕੇਸ ਦਰਜ ਕੀਤੇ ਗਏ। ਕੀਰਤਪੁਰ ਸਾਹਿਬ ਵਾਸੀ ਹਵਾਲਾਤੀ ਜਸਪ੍ਰੀਤ ਸਿੰਘ ਦੀ ਹੋਰ ਬੰਦੀਆਂ ਨਾਲ ਬਹਿਸ ਹੋ ਜਾਣ ‘ਤੇ ਜਦੋਂ ਪੁੱਛਗਿੱਛ ਕੀਤੀ ਗਈ ਤਾਂ ਜੇਲ੍ਹ ਪ੍ਰਸ਼ਾਸਨ ਨੂੰ ਇਸ ਦਾ ਪਤਾ ਲੱਗਿਆ ਕਿ ਜਸਪ੍ਰੀਤ ਨੇ ਇੱਕ ਫੋਨ ਭੰਨ ਕੇ ਮਿੱਟੀ ’ਚ ਦੱਬ ਦਿੱਤਾ ਸੀ। ਜੇਲ੍ਹ ਮੁਲਾਜ਼ਮਾਂ ਵੱਲੋਂ ਮੁਲਜ਼ਮ ਖਿਲਾਫ ਕੇਸ ਦਰਜ ਕਰਨ ਦੀ ਸਿਫਾਰਸ਼ ਨਾਭਾ ਸਦਰ ਪੁਲੀਸ ਨੂੰ ਭੇਜੀ ਗਈ। ਇਸ ਤੋਂ ਇਲਾਵਾ ਇੱਕ ਬੈਰਕ ਦੇ ਕੈਦੀਆਂ ਦੀ ਤਲਾਸ਼ੀ ਲੈਂਦੇ ਸਮੇਂ ਅਲੀਪੁਰ, ਉੱਤਰ ਪ੍ਰਦੇਸ਼ ਦੇ ਰਹਿਣ ਵਾਲੇ ਮੋਨੂੰ ਕੋਲੋਂ ਵੀ ਕਥਿਤ ਇੱਕ ਮੋਬਾਈਲ ਬਰਾਮਦ ਹੋਇਆ। ਜੇਲ੍ਹ ਪ੍ਰਸ਼ਾਸਨ ਨੂੰ ਬੈਰਕ ਨੰ 2 ਦੇ ਬਾਥਰੂਮ ਵਿਚੋਂ ਵੀ ਮੋਬਾਈਲ ਮਿਲਿਆ, ਜਿਸ ਕਰਕੇ ਅਣਪਛਾਤੇ ਕੈਦੀ ਖਿਲਾਫ ਵੀ ਕੇਸ ਦਰਜ ਕੀਤਾ ਗਿਆ।
ਸਬੰਧਿਤ ਖ਼ਬਰਾਂ
