ਪਟਿਆਲਾ, 1 (ਸਰਬਜੀਤ ਸਿੰਘ ਭੰਗੂ): ਕੇਂਦਰੀ ਖੇਤੀ ਕਾਨੂੰਨਾਂ ਦੇ ਖਿਲਾਫ਼ ਜਾਰੀ ਕਿਸਾਨ ਅੰਦੋਲਨ ਦੀ ਕੜੀ ਵਜੋਂ ਇਥੇ ਨੈਸ਼ਨਲ ਹਾਈਵੇ ’ਤੇ ਧਰੇੜੀ ਜੱਟਾਂ ਵਿਚਲੇ ਟੌਲ ਪਲਾਜ਼ੇ ’ਤੇ ਕਿਸਾਨਾ ਦਾ ਧਰਨਾ ਜਾਰੀ ਹੈ। ਇਸ ਕੜੀ ਤਹਿਤ ਧਰਨੇ ’ਚ ਅੱਜ ਭਾਰੀ ਠੰਢ ਦੇ ਬਾਵਜੂਦ ਬੀਬੀਆਂ ਅਤੇ ਬੱਚਿਆਂ ਨੇ ਵੀ ਵਿਸ਼ੇਸ ਤੌਰ ’ਤੇ ਸ਼ਿਰਕਤ ਕੀਤੀ। ਉਨ੍ਹਾਂ ਦਾ ਕਹਿਣਾ ਸੀ ਕਿ 18 ਜਨਵਰੀ ਨੂੰ ਇੱਥੇ ਹੀ ਮਹਿਲਾ ਦਿਵਸ ਵੀ ਮਨਾਇਆ ਜਾਵੇਗਾ। ਇਸ ਮੌਕੇ ਭਾਰਤੀ ਕਿਸਾਨ ਯੂਨੀਅਨ ਕ੍ਰਾਂਤੀਕਾਰੀ ਯੂਨੀਅਨ ਦੇ ਜ਼ਿਲ੍ਹਾ ਪ੍ਰਧਾਨ ਰਣਜੀਤ ਸਿੰਘ ਸਵਾਜਪੁਰ ਨੇ ਕਿਹਾ ਕਿ 26 ਜਨਵਰੀ ਦੀ ਟਰੈਕਟਰ ਪਰੇਡ ਹਕੂਮਤ ਦੇ ਸਭ ਭਰਮ ਭੁਲੇਖੇ ਦੂਰ ਕਰ ਦੇਵੇਗੀ।ਇਸ ਮੌਕੇ ਇੰਦਰਮੋਹਣ ਸਿੰਘ ਘੁਮਾਣਾ, ਗੁੁਰਨਾਮ ਸਿੰਘ ਢੈਠਲ, ,ਸੁਰਿੰਦਰ ਸਿੰਘ ਪਟਿਆਲਾ, ਰਾਮ ਕਰਨ ਧਰੇੜੀ, ,ਟੌਲ ਪਲਾਜ਼ਾ ਵਰਕਰ ਯੂਨੀਅਨ ਦੇ ਆਗੂ ਲਾਡੀ ਸਮੇਤ ਗੁਰਦੇਵ ਕੌਰ ਦੌਣ ਤੇ ਗੁਰਜੀਤ ਕੌਰ ਦੌਣ ਨੇ ਵੀ ਸੰਬੋਧਨ ਕੀਤਾ।
ਸਬੰਧਿਤ ਖ਼ਬਰਾਂ
