ਸੁਭਾਸ਼ ਚੰਦਰ
ਸਮਾਣਾ, 8 ਮਾਰਚ
ਪਿੰਡ ਧਨੇਠਾ ਨੇੜੇ ਦੇਰ ਸ਼ਾਮ ਭਾਖੜਾ ਨਹਿਰ ਨੇੜੇ ਬਣੇ ਡਿਵਾਇਡਰ ਨਾਲ ਟਕਰਾਉਣ ਕਾਰਨ ਮੋਟਰਸਾਈਕਲ ਸਵਾਰ ਦੋ ਨੌਜਵਾਨ ਨਹਿਰ ’ਚ ਜਾ ਡਿੱਗੇ ਜਿਨ੍ਹਾਂ ’ਚੋਂ ਇਕ ਨੌਜਵਾਨ ਨੂੰ ਮੌਕੇ ’ਤੇ ਇਕੱਠੇ ਹੋਏ ਲੋਕਾਂ ਵੱਲੋਂ ਬਚਾਅ ਲਿਆ ਗਿਆ ਜਦੋਂ ਕਿ ਦੂਜਾ ਨੌਜਵਾਨ ਪਾਣੀ ਦੇ ਤੇਜ਼ ਵਹਾਅ ਕਾਰਨ ਨਹਿਰ ’ਚ ਰੁੜ੍ਹ ਗਿਆ। ਜਾਣਕਾਰੀ ਮੁਤਾਬਿਕ ਪਿੰਡ ਰੇਤਗੜ੍ਹ ਦੇ ਰਹਿਣ ਵਾਲੇ ਦੋ ਨੌਜਵਾਨ ਸਿਮਰਨ ਸਿੰਘ (20) ਪੁੱਤਰ ਝੱਜੂ ਸਿੰਘ ਤੇ ਗੁਰਸੇਵਕ (25) ਪੁੱਤਰ ਨਰੰਗ ਸਿੰਘ ਪਿੰਡ ਧਨੇਠਾ ਤੋਂ ਆਪਣੇ ਪਿੰਡ ਰੇਤਗੜ੍ਹ ਜਾ ਰਹੇ ਸਨ। ਜਦੋਂ ਉਹ ਪਿੰਡ ਧਨੇਠਾ ਤੋਂ ਭਾਖੜਾ ਨਹਿਰ ਪੁਲ ਨੇੜੇ ਪੁੱਜੇ ਤਾਂ ਉਨ੍ਹਾਂ ਦਾ ਮੋਟਰਸਾਈਕਲ ਤਿੱਖੇ ਮੋੜ ’ਤੇ ਨਹਿਰ ਉੱਪਰ ਬਣੇ ਪੁਲ ਦੇ ਡਿਵਾਇਡਰ ਨਾਲ ਟਕਰਾ ਗਿਆ ਤੇ ਦੋਵੇਂ ਨੌਜਵਾਨ ਮੋਟਰਸਾਈਕਲ ਤੋਂ ਨਹਿਰ ’ਚ ਜਾ ਡਿੱਗੇ। ਨਹਿਰ ਦੇ ਕਿਨਾਰਿਆਂ ਤੇ ਕੰਮ ਕਰ ਰਹੇ ਨਰੇਗਾ ਵਰਕਰਾਂ ਵੱਲੋ ਟੱਕਰ ਦੀ ਅਵਾਜ ਸੁਨਾਈ ਦੇਣ ਤੇ ੳਨ੍ਹਾਂ ਮੌਕੇ ਤੇ ਇਕ ਨੌਜਵਾਨ ਸਿਮਰਨ ਸਿੰਘ ਨੇ ਭਾਖੜਾ ਨਹਿਰ ’ਚੋਂ ਕੱਢ ਲਿਆ ਤੇ ਗੁਰਸੇਵਕ ਸਿੰਘ ਨਹਿਰ ’ਚ ਪਾਣੀ ਦੇ ਤੇਜ਼ ਵਹਾਅ ਕਾਰਨ ਨਹਿਰ ’ਚ ਰੁੜ੍ਹ ਗਿਆ।
